మహిళా హాస్టల్ వద్ద ఇద్దరు వ్యక్తుల వికృత చేష్టలు Men flash at women hostel inmates: కామంతో కళ్లు మూసుకుపోయిన ఇద్దరు వ్యక్తులు వుమెన్స్ హాస్టల్ ముందు అసభ్యంగా ప్రవర్తించారు. వారి వికృత చేష్టలను గమనించిన హాస్టల్లోని మహిళలు వీడియో తీసి పోలీసులకు ఫిర్యాదు చేశారు. ఈ సంఘటన కేరళలోని పతనంతిట్ట నగరంలో జరిగింది.
ఇదీ జరిగింది..
నగరంలోని ఓ వుమెన్ హాస్టల్ ముందుకు ద్విచక్రవాహనంపై వచ్చిన ఇద్దరు వ్యక్తులు మహిళలను చూస్తూ.. అసభ్యంగా ప్రవర్తించారు. వికృత చేష్టలకు పాల్పడ్డారు. ఓ వ్యక్తి హాస్టల్ వైపు చూస్తూ.. వికృత చేష్టలు చేసినట్లు వీడియోలో తెలుస్తోంది. బులెట్ బండిపై ఉన్న మరో వ్యక్తి అలాగే అసభ్యంగా ప్రవర్తించాడు.
హాస్టల్ ప్రహరీ గోడ.. ఆరు అడుగుల ఎత్తుగా ఉంటుందని తెలిపారు పోలీసులు. కొందరు దుండగులు హాస్టల్లోని పైఅంతస్థులో ఉన్న అమ్మాయిలను టార్గెట్ చేస్తూ.. అసభ్యంగా ప్రవర్తిస్తున్నట్లు గుర్తించామన్నారు. ఇరువురు దుండగులు మాస్కులు, హెల్మెంట్ ధరించటం వల్ల ముఖాలు సరిగా కనిపించటం లేదని తెలిపారు. వీడియోల్లో వాహనాల నంబర్లు సైతం రికార్డు కాలేదని, ఇద్దరు లుంగీ, షర్టు ధరించినట్లు చెప్పారు.
హాస్టల్లో ఉండే మహిళలు.. వీడియోలను ముందుగా హాస్టల్ వార్డెన్కు చూపించి.. వారి అనుమతి తీసుకున్న తర్వాత పోలీసులకు ఫిర్యాదు చేశారు. దీనిపై కేసు నమోదు చేసిన పోలీసులు నిందితుల కోసం గాలింపు చేపట్టారు.
సంబంధం కోసం వెతుకుతున్నారా? తెలుగు మాట్రిమోని లో రిజిస్ట్రేషన్ ఉచితం!
ఇదీ చూడండి:కూతురిపై రేప్- కోర్టు ఆవరణలోనే నిందితుడిని కాల్చి చంపిన తండ్రి!
