దిల్లీకి చేరిన అసోం రాజకీయాలు

అసోం ముఖ్యమంత్రి ఎవరనే విషయంపై చర్చించడానికి దిల్లీలోని భాజపా అధ్యక్షుడు జేపీ నడ్డా నివాసంలో ఆ పార్టీ నేతలు భేటీ అయ్యారు. సీఎం రేసులో ఉన్న హిమాంత బిశ్వ శర్మ, సర్బానంద సోనోవాల్​ ఈ భేటీలో పాల్గొన్నారు.

అసోం ముఖ్యమంత్రి పీఠం ఎవరిని వరిస్తుందనే విషయంపై సర్వత్రా ఉత్కంఠ నెలకొన్న వేళ.. రాష్ట్ర రాజకీయాలు దిల్లీకి మారాయి. సీఎం రేసులో సర్బానంద సోనోవాల్​, హిమాంత బిశ్వ శర్మ ఉండగా.. వారిద్దరూ శనివారం దిల్లీ పర్యటన చేపట్టారు.

నడ్డా నివాసానికి చేరిన అమిత్​ షా

దిల్లీకి చేరిన హిమాంత బిశ్వ శర్మ

దిల్లీకి చేరిన సోనోవాల్​

హిమాంత బిశ్వ శర్మ, సర్బానంద సోనోవాల్​.. భాజపా అధ్యక్షుడు జేపీ నడ్డాతో ఆయన నివాసంలో భేటీ అయ్యారు. ఈ సమావేశానికి కేంద్ర హోంమంత్రి అమిత్​ షా సహా పార్టీ సీనియర్​ నేతలు హాజరయ్యారు.

అంతకుముందు.. అసోం సీఎం ప్రమాణ స్వీకారం శుక్రవారం ఉంటుందని ఆ రాష్ట్ర ప్రభుత్వ ప్రధాన కార్యదర్శి తెలిపారు. కానీ సీఎం ఎవరనే విషయం స్పష్టత లేని కారణంగా ఆ కార్యక్రమం జరగలేదు.

ఇదీ చదవండి :కరోనా కట్టడిలో ముంబయి భేష్​!