Mayawati News: రాష్ట్రపతి పదవిపై బహుజన్‌ సమాజ్‌ పార్టీ(బీఎస్పీ) అధినేత్రి మాయావతి కీలక వ్యాఖ్యలు చేశారు. ఆ పదవి కోసం భాజపా సహా ఏ పార్టీ తనకు ఆఫర్ చేసినా తీసుకోబోనని ఆమె స్పష్టం చేశారు. ఇటీవల ఎన్నికల్లో పార్టీ ఘోర పరాజయంపై సమీక్ష అనంతరం మాయావతి మాట్లాడారు. ఈ క్రమంలో రాష్ట్రపతి పదవికి పోటీ ఊహాగానాలపై కూడా స్పందించారు. గతంలో పార్టీ వ్యవస్థాపకుడు కాన్షీరాం సైతం అత్యున్నత పదవిని తిరస్కరించిన విషయాన్ని గుర్తుచేశారు.
"ఒకవేళ రాష్ట్రపతి పదవిని అంగీకరిస్తే అక్కడితో మన పార్టీ అంతమైనట్లే. కాబట్టి అలాంటి పదవిని భాజపాగానీ, ఇతర ఏ ఇతర పార్టీ ఆఫర్ చేసినా తీసుకునేది లేదు" అని మాయవతి స్పష్టం చేశారు. ఇటీవల ఎన్నికల్లో భాజపా, ఆరెస్సెస్‌ కలసి ప్రజల్ని తప్పుదోవ పట్టించేలా ప్రచారం చేశాయని మాయవతి అన్నారు.