మథురలో ఉత్సాహంగా 'లడ్డూమార్​ హోలీ'

హోలీ.. దేశమంతా జరుపుకునే పండుగ. సంతోషంగా రంగులు చల్లుకుంటూ ఆనందంలో తేలియాడే ఉత్సవం. అయితే ఉత్తర్​ప్రదేశ్​లోని మథురలో జరిగే హోలీ వేడుకలకు ఎంతో ప్రత్యేకత ఉంది. అక్కడ లడ్డూలు, పూలు విసురుకుంటూ హోలీలో పాల్గొంటారు. దీన్నే స్థానికంగా 'లడ్డూమార్ హోలీ'​ అని పిలుస్తారు.

దేశవ్యాప్తంగా ప్రజలు హోలీ వేడుకల కోసం సిద్ధమవుతున్నారు. శ్రీకృష్ణుడి జన్మస్థలమైన ఉత్తర్​ప్రదేశ్​లోని మథుర.. ఈ వేడుకలకు కాస్త ముందుగానే ప్రారంభించింది.

ఉత్సవానికి సిద్ధం చేస్తున్న లడ్డూలు

హోలీ వేడుకల్లో పాల్గొన్న మహిళలు

మథురలోని బర్సానాలో హోలీకి ఓ ప్రత్యేకత ఉంది. ఇక్కడ రంగు నీళ్లతో పాటు.. పూలు, లడ్డూలతో పండగ చేసుకుంటారు. దీన్నే లడ్డూమార్​ హోలీగా పిలుస్తారు. ఇందులో పాల్గొనడానికి ప్రపంచ నలుమూలల నుంచి ఔత్సాహికులు వస్తుంటారు.

వేడుకలల్లో స్థానికులు

సంతోషంగా వేడుకలు

సాధువులకు పుష్పాభిషేకం

హోలీ పండగను బ్రజ్(కృష్ణుడు ఆడుకునే స్థలం, బృందావనం)‌లో 40 రోజుల పాటు అంగరంగవైభవంగా జరుపుకుంటారు. వసంత పంచమి రోజు లడ్డూమార్​ హోలీ వేడుకలు జరుగుతాయి. వీటిని చూసి తరించేందుకు సుదూర ప్రాంతాల నుంచి భక్తులు వస్తుంటారు.

ఇదీ చూడండి:అసలు హోలీ ఎందుకు జరుపుకుంటామంటే ?