ఉత్తర్ప్రదేశ్కు చెందిన ఓ వ్యక్తి 72 ఏళ్ల వయస్సులో ఈఫిల్ టవర్ను నిర్మించాడు. అయితే దీనిలో విశేషమేముంది అనుకుంటే పొరపాటే.. అతను తయారు చేసింది ఇనుము, ఉక్కును ఉపయోగించి కాదు.. అగ్గిపుల్లలతో. 75,000 అగ్గిపుల్లలను ఉపయోగించి ఈ మినీ ఈఫిల్ టవర్ను సిద్ధం చేశాడు. దీన్ని తయారు చేయడం కోసం దాదాపు 50 ఏళ్లకు పైగా శ్రమించాడు సురేంద్ర జైన్. మరి ఆ జైన్ కథేంటో తెలుసుకుందామా.
మేరఠ్కు చెందిన 72 సంవత్సరాల సురేంద్ర జైన్ ప్రస్తుతం సొంతంగా వ్యాపారం చేస్తున్నాడు. అతడికి పార్తాపుర్లో ఓ పిండి మిల్లు ఉంది. అయితే జైన్ చదువుకునే రోజుల్లో.. అతడి తల్లి చదువుతో పాటు వేరే ఏదైనా చేసి గుర్తింపు తెచ్చుకోమనేది. దీంతో జైన్ చిన్నప్పుడే అగ్గి పుల్లలతో ఈఫిల్ టవర్ను నిర్మించాలని నిర్ణయించుకున్నాడు. ఎందుకంటే ప్రపంచ ఏడు వింతల్లో ఒకటైన ఈఫిల్ టవర్ తనని ఎంతగానో ఆకర్షించేదని చెప్పాడు. అప్పట్లో దాని కోసం అని కొన్ని వందలసార్లు ప్రయత్నించి విఫలమయ్యాడు. అయినా సరే టవర్ను ఎప్పటికైనా సిద్ధం చేయాలనే లక్ష్యంతో.. వ్యాపారం చేస్తున్నా సరే ప్రత్యేక సమయం కేటాయించేవాడు. దీన్ని తయారు చేయడం కోసం తన ఇంట్లోనో ఓ ప్రత్యేక గదిని ఏర్పాటు చేసుకున్నాడు జైన్. ఈ గదిలో గాలి ఎక్కువగా రాకుండా, దుమ్ముధూళి పడకుండా ప్రత్యేక ఏర్పాట్లు కూడా చేశాడు.
అగ్గిపుల్లలతో సురేంద్ర జైన్ తయారు చేసిన ఈఫిల్ టవర్ తాను తయారు చేసిన ఈఫిల్ టవర్ను చూపిస్తున్న సురేంద్ర జైన్ ఫ్రాన్స్ పర్యటనలో రెండురోజులు అక్కడే..
జైన్ తాను అనుకున్నది ఎలా అయినా సాధించాలనే లక్ష్యంతో 2013లో ఫ్రాన్స్కు వెళ్లాడు. అక్కడకు చేరుకున్నాక ఈఫిల్ టవర్ ముందు కూర్చుని రెండు రోజులపాటు దాన్ని చూస్తూనే ఉన్నాడు. అక్కడే ఉండడం వల్ల మరింత స్ఫూర్తి పొందాడు జైన్. టవర్కు సంబంధించి పూర్తి సమాచారం సేకరించి భారత్ చేరుకున్న జైన్.. దాన్ని తయారు చేయడం కోసం ఓ మ్యాప్ను సిద్ధం చేసుకున్నాడు. దీనిలో భాగంగానే దాదాపు 1,100 అడుగుల పొడవుండే.. ఈఫిల్ టవర్ మాదిరిగానే 5 అడుగుల టవర్ను అదే ఆకృతిలో నిర్మించాలని నిర్ణయించుకున్నాడు. ప్రయత్నాలు చేసినా సరే దాన్ని నిర్మించడంలో విజయం సాధించలేక పోయాడు.
తాను తయారు చేసిన ఈఫిల్ టవర్తో సురేంద్ర జైన్ జైన్ 2019 నుంచి తన పూర్తి దృష్టంతా అగ్గిపుల్లలతో ఈఫిల్ టవర్ను తయారే చేయడంపైనే కేంద్రీకరించాడు. అయితే జైన్కు ఇక్కడే ఓ పెద్ద సమస్య వచ్చిపడింది. వయసు మీద పడడం వల్ల జైన్కు చేతులు వణుకు సమస్య ఎదురైంది. దీంతో అగ్గిపుల్లలకు గమ్మును అంటించి.. అవి ఒకదానితో ఒకటి అతుక్కునే వరకు అలా పట్టుకోవడం ఇబ్బంది అయ్యేది. కానీ జైన్ మాత్రం తాను అనుకున్న లక్ష్యం కోసం.. వణుకుని జయించడానికి యోగాలో శిక్షణ తీసుకున్నాడు. ఫలితంగా కొన్ని రోజులకు ఆ సమస్యను ఓడించాడు. అదే పట్టుదలతో మళ్లీ ప్రయత్నాలు చేసి చివరికి 75,000 అగ్గిపుల్లలతో ఈఫిల్ టవర్ను నిర్మించాడు. ప్రస్తుతం తాను తయారు చేసిన టవర్ను చూడడాని చుట్టుపక్కల ప్రజలు ఎంతో ఆసక్తి చూపిస్తున్నారని జైన్ తెలిపాడు. దేశంలో మరెక్కడా అగ్గిపుల్లలతో నిర్మించిన ఈఫిల్ టవర్ లేదని జైన్ వెల్లడించారు. జైన్ ఇప్పుడు దీనిని ఇండియా బుక్ ఆఫ్ రికార్డ్స్, లిమ్కా బుక్ ఆఫ్ రికార్డ్స్, ఆసియా బుక్ ఆఫ్ రికార్డ్స్ మొదలైనవాటికి దరఖాస్తు చేయాలనుకుంటున్నాడు.
75,000 అగ్గిపుల్లలతో జైన్ తయారు చేసిన ఈఫిల్ టవర్
