సూపర్‌స్టార్‌ రజనీకాంత్ ఏర్పాటు చేయబోయే పార్టీపై ఇప్పుడే ఒక అంచనాకు రాలేమని కాంగ్రెస్ అభిప్రాయపడింది. పార్టీ సిద్ధాంతం, కార్యక్రమం, ఎన్నికల రోడ్‌మ్యాప్‌.. ఇలా వేటిపైనా ఒక స్పష్టత రాకుండా వచ్చే ఏడాదిలో జరిగే తమిళనాడు అసెంబ్లీ ఎన్నికల్లో ఆ పార్టీ ప్రభావాన్ని అంచనా వేయడం తొందరపాటే అవుతుందని తమిళనాడు కాంగ్రెస్ పార్టీ ఇంఛార్జి, కర్ణాటక పీసీసీ చీఫ్ దినేశ్ గుండూరావు అన్నారు. ఇప్పటికైతే రజనీకాంత్‌తో అనేకమంది భాజపా వాళ్లకు సంబంధాలు ఉన్నాయని వ్యాఖ్యానించారు.
"రజనీ ఏర్పాటు చేయబోయే పార్టీ ఇంకా రిజిస్టర్‌ కాలేదు. ఆయన ప్రతిపాదించిన సంస్థ సిద్ధాంతం, కార్యక్రమం ఏంటో కూడా తెలియదు. వచ్చే ఏడాది అసెంబ్లీ ఎన్నికల్లో స్వతంత్రంగా పోటీ చేస్తుందో, ఎన్నికల్లో పొత్తు పెట్టుకుంటుందో, లేదో.. దేనిపైనా స్పష్టత రాలేదు. భాజపాతో కలుస్తారో, ఇంకేం చేస్తారో వేచి చూడాల్సి ఉంది."