అసెంబ్లీకి వెళ్లేందుకు భయపడుతున్న కుకీ ఎమ్మెల్యేలు.. సర్కార్​కు ఆ పార్టీ మద్దతు ఉపసంహరణ!

Manipur Violence Latest Updates : మణిపుర్‌లో ఆగస్టు మూడోవారంలో జరగనున్న అసెంబ్లీ సమావేశాల కోసం రాజధాని ఇంఫాల్‌ వెళ్లేందుకు కుకీ ఎమ్మెల్యేలు భయపడిపోతున్నట్లు ఆయా పార్టీ వర్గాలు పేర్కొన్నాయి. మరోవైపు ఎన్​ బిరేన్ సింగ్​ ప్రభుత్వానికి కుకీ పీపుల్స్​ అలయన్స్ పార్టీ మద్దతు ఉపసంహరించుకుంది.

Manipur Violence Latest Updates : జాతుల మధ్య వైరంతో గత మూడు నెలలుగా మణిపుర్‌ అల్లకల్లోలమవుతోంది. పరిస్థితులను అదుపులోకి తెచ్చేందుకు కేంద్ర, రాష్ట్ర ప్రభుత్వాలు ప్రయత్నాలు చేస్తున్నప్పటికీ హింసాత్మక ఘటనలు కొనసాగుతూనే ఉన్నాయి. ఆగస్టు 21 నుంచి ప్రారంభం కానున్న మణిపుర్ అసెంబ్లీ సమావేశాలకు పార్టీలకు అతీతంగా కుకీ వర్గానికి చెందిన ఎమ్మెల్యేలు హాజరు కాబోరని ఆయా పార్టీ వర్గాలు పేర్కొంటున్నాయి. ప్రస్తుతం ఉన్న శాంతి భద్రతల పరిస్థితుల దృష్ట్యా.. రాబోయే అసెంబ్లీ సమావేశాలకు హాజరు కావడం సాధ్యం కాదని చురచంద్​పుర్ బీజేపీ ఎమ్మెల్యే ఎల్​ఎమ్​ ఖౌటే అన్నారు. హింస, ప్రత్యేక పరిపాలన కోసం కుకీలు చేసిన డిమాండ్లకు పరిష్కారం లేకపోవడం వల్ల తమ వర్గం ఎమ్మెల్యేలు హాజరు కావడం లేదని తెలిపారు.

Manipur Violence Latest News : 'ఇంఫాల్‌కు ఎమ్మెల్యేలు సురక్షితంగా ప్రయాణించలేరు.. థాన్లోన్‌కు ప్రాతినిధ్యం వహిస్తున్న బీజేపీ ఎమ్మెల్యే వుంగ్‌జాగిన్.. వాల్టేపై అక్కడే దారుణంగా దాడి చేశారు. ఆయన ఇప్పటికీ చికిత్స తీసుకుంటున్నారు' అని కుకీ పీపుల్స్ అలయన్స్ (కేపేఏ) అధ్యక్షుడు టోంగ్‌మాంగ్ హౌకిప్ తెలిపారు. 60 స్థానాలున్న మణిపుర్​లో శాశనసభలో బీజేపీకి చెందిన ఏడుగురు, కుకీ పీపుల్స్ అలయన్స్‌కు చెందిన ఇద్దరు, ఒక స్వతంత్రుడితో సహా మొత్తం 10 మంది కుకీ-జోమీ ఎమ్మెల్యేలు ఉన్నారు. అయితే కుకీ ఎమ్మెల్యేలు లేకుండా అల్లర్లపై అర్ధవంతమైన చర్చ జరిగే అవకాశం లేదని విశ్లేషకులు అభిప్రాయపడుతున్నారు.

ఎన్డీయేకు కేపీఏ మద్దతు ఉపసంహరణ..
Kuki Peoples Alliance Mla : రాష్ట్రంలో అల్లర్ల నేపథ్యంలో ఎన్​డీఏ భాగస్వామి కుకీ పీపుల్స్ అలయన్స్​ కీలక నిర్ణయం తీసుకుంది. ఎన్​ బిరేన్ సింగ్ ప్రభుత్వానికి తన మద్దతును ఉపసంహరించుకుంది. ఇద్దరు ఎమ్మెల్యేలు ఉన్న ఈ పార్టీ.. ఈ మేరకు గవర్నర్​కు లేఖ రాసింది. 'ప్రస్తుతం ఉన్న పరిస్థితుల దృష్ట్యా.. ఎన్​ బిరేన్ సింగ్​ ప్రభుత్వానికి మద్దతు ఇవ్వడం సహేతుకం కాదు. ఇక నుంచి కేపీఏ మద్దతు మణిపుర్ప్రభుత్వానికి ఉండదు' అని లేఖలో పేర్కొంది.

కర్ఫ్యూ సడలింపు..
Manipur Violence Curfew News : పశ్చిమ ఇంఫాల్ జిల్లాలోని అన్ని ప్రాంతాల్లో ఆగస్టు 7వ తేదీ ఉదయం 5 గంటల నుంచి మధ్యాహ్నం 12 గంటల వరకు కర్ఫ్యూ సడలించనున్నారు. అత్యవసరమైన వస్తువులను కొనుగోలు చేయడానికి ప్రజలు ఆరోడు వీలు కల్పించనున్నారు. ఈ మేరకు పశ్చిమ ఇంఫాల్​ డీఎమ్​ వివరాలు వెల్లడించారు.

మళ్లీ హింస.. 10 కంపెనీల బలగాలు తరలింపు..
manipur violence central forces : రాష్ట్రంలో మళ్లీ హింసాత్మక ఘటనలు జరిగిన నేపథ్యంలో కేంద్రం అప్రమత్తమైంది. అదనంగా 10 కంపెనీల బలగాలను ఆగమేఘాల మీద రాష్ట్రానికి పంపింది. ఆదివారం వేకువజామునాటికే వాళ్లంతా మణిపుర్‌ చేరుకున్నారు. అక్కడి నుంచి స్థానిక అధికారుల సూచన మేరకు వివిధ జిల్లాలకు వెళ్లారు. కేంద్రం పంపించిన బలగాల్లో సీఆర్‌పీఎఫ్‌, బీఎస్‌ఎఫ్‌, ఐటీబీపీ, ఎస్‌ఎస్‌బీ దళాలకు చెందిన వారున్నారు. శనివారం బిష్ణుపుర్‌ జిల్లాలో దుండగులు జరిపిన కాల్పుల్లో ముగ్గురు ప్రాణాలు కోల్పోయారు. మృతులను క్వాక్టా ప్రాంతానికి చెందిన మైతేయ్‌ వర్గీయులుగా గుర్తించారు. రాష్ట్రంలో పరిస్థితులు మెరుగుపడటం వల్ల శుక్రవారమే వాళ్లంతా ఇళ్లకు చేరుకున్నారు. అర్ధరాత్రి గాఢ నిద్రలో ఉన్నవారిపై దుండగులు కాల్పులు జరిపి హతమార్చారు. విషయం వెలుగులోకి వచ్చిన తర్వాత ఆగ్రహించిన మైతేయ్‌ వర్గీయులు కుకీ వర్గానికి చెందిన ఇళ్లకు నిప్పు పెట్టారు. ఇలాంటి ఘటనలు పునరావృతమయ్యే అవకాశాలుండటం వల్ల కేంద్రం అదనపు బలగాలను రంగంలోకి దించింది.

Manipur KKuki Matai : మే 3న మైతేయ్‌, కుకీ వర్గాల మధ్య తలెత్తిన ఘర్షణ ఇప్పటికీ కొనసాగుతూనే ఉంది. అక్కడి హింసాత్మక పరిస్థితులు పెచ్చుమీరుతుండటం వల్ల కేంద్ర రక్షణశాఖ, హోంశాఖ దాదాపు 40 వేల మంది ఆర్మీ, పారామిలటరీ దళాలతోపాటు కేంద్ర సాయుధ పోలీసు బలగాలను (సీఏపీఎఫ్‌) రాష్ట్రంలో మోహరించింది. దీంతో అక్కడక్కడా ఘర్షణలు తలెత్తినా.. హింస చోటు చేసుకోవడం తగ్గింది. తాజాగా ముగ్గురు మైతేయ్‌ వర్గానికి చెందిన వారిని కాల్చి చంపడం వల్ల కేంద్రం మరోసారి భద్రతను కట్టుదిట్టం చేసింది. మరోవైపు కొన్ని మహిళా సంస్థలు భద్రతా బలగాల కార్యకలాపాలకు అడ్డంకులు సృష్టిస్తున్నాయని సీఏపీఎఫ్‌ పేర్కొంది. కేంద్ర, రాష్ట్ర బలగాలను అడ్డుకునేందుకు తరచూ రోడ్లు బ్లాక్‌ చేస్తున్నారని, అందువల్ల విధినిర్వహణ కష్టమవుతోందని తెలిపింది.