ఆరోగ్య సిబ్బందిని చూసి పరుగో పరుగు
Covid vaccine fear: దేశవ్యాప్తంగా 100 కోట్లకుపైగా కొవిడ్ టీకా డోసులను కేంద్రం పంపిణీ చేసినప్పటికీ.. టీకాపై ఇంకా కొందరికి అపోహలు వీడట్లేదు. వ్యాక్సిన్ తీసుకుంటే తమకు ప్రాణహాని తలెత్తుందని, వివిధ రోగాలు వస్తాయని చాలా మంది అనవసరపు భయాందోళనకు గురవుతున్నారు. వ్యాక్సిన్ తీసుకునేందుకు వెనుకడుగు వేస్తున్నారు. అసోంలోనూ ఇదే తరహా సంఘటన జరిగింది.
అసోం ప్రభుత్వం ఇటీవల 'ఇంటింటికీ టీకా' కార్యక్రమాన్ని ప్రారంభించింది. ఇందులో భాగంగా.. నాగావ్ జిల్లాలోని దిజు వ్యాలీ టీ ఎస్టేట్లో ఉండే 13 కుటుంబాలకు టీకా పంపిణీ చేసేందుకు ఆరోగ్య కార్యకర్తలు, అధికారులు అక్కడకు చేరుకున్నారు. అయితే.. వారిని చూసి ఆ ప్రాంతానికి చెందిన ఓ వ్యక్తి భయంతో తేయాకు తోటల్లో పరుగులు తీశాడు. తనకు టీకా వద్దంటే వద్దంటూ ప్రాధేయపడ్డాడు.