యువతితో సంబంధం.. యువకుడిపై దాడి

ఓ యువకుడిపై కొందరు వ్యక్తులు కత్తులు, రాడ్​లతో దాడి చేసి, కొండపై నుంచి నెట్టివేసిన ఘటన మహారాష్ట్రలో జరిగింది. ఓ యువతితో సంబంధాలు కొనసాగిస్తుండటమే ఈ దాడికి కారణమని పోలీసులు తెలిపారు.

మహారాష్ట్ర ఠాణె జిల్లాలోని ముంబ్రాలో ఓ యువతితో తన సంబంధాన్ని వదులుకునేందుకు నిరాకరించడని.. 18 ఏళ్ల యువకుడిని కొందరు వ్యక్తులు దాడి చేసి హింసించారని పోలీసులు తెలిపారు. ఈ ఘటనలో 30మందిపై కేసు నమోదు చేసినట్లు తెలిపారు. అయితే ఇప్పటివరకు ఎవరినీ అరెస్టు చేయలేదు.

రహస్య భాగాలపై కత్తి, రాడ్​తో దాడి చేశారని.. తర్వాత కొండపై నుంచి నెట్టివేశారని బాధితుడు ఓవైస్ అబ్దుల్ రహీం ఖాన్ తన ఫిర్యాదులో పేర్కొన్నాడు. జనవరి 23న జరిగిన ఈ ఘటన తర్వాత ప్రాణాలతో బయటపడిన బాధితుడు.. సహయం కోసం తన స్నేహితుడికి ఫోన్​ చేశాడు.

యువతి తండ్రే ఈ కేసులో ప్రధాన నిందితుడని పోలీసులు తెలిపారు. తన కుమార్తెతో కలిసి ఉండకూడదని.. సంబంధం కొనసాగించొద్దని ఎన్నోసార్లు హెచ్చరించినప్పటికీ యువకుడు పట్టించుకోలేదని పోలీసులు తెలిపారు. అందువల్లే దాడి జరిగి ఉంటుందని భావిస్తున్నారు.

ఇదీ చూడండి:ట్రాక్టర్​ ర్యాలీలో ఆ రైతు మృతికి కారణమిదే..