మహిళల లోదుస్తుల దొంగ.. చాకచక్యంగా పట్టించిన జడ్జి

Stealing women underwear: ఇళ్లల్లోకి చొరబడి మహిళల లోదుస్తులను అపహరిస్తున్న దొంగను ఓ న్యాయమూర్తి చాకచక్యంగా పట్టించారు. గతకొన్ని రోజులుగా లోదుస్తుల చోరీ ఘటనలు అనేకం జరగ్గా.. రంగంలోకి దిగిన జడ్జి.. దొంగను రెడ్ హ్యాండెడ్​గా పట్టుకున్నారు.

Stealing women underwear: మహారాష్ట్ర కొల్హాపుర్​లోని గార్గోటీ ప్రాంతంలో ఓ వ్యక్తి అందరి ఇళ్లల్లోకి చొరబడి మహిళల లోదుస్తులను చోరీ చేస్తున్నాడు. గత కొంతకాలంగా అనేక మంది ఇళ్లల్లో మహిళల లోదుస్తులు పోయిన ఘటనలు వెలుగులోకి వచ్చాయి. ఇటీవల ఓ న్యాయమూర్తి ఇంట్లోనూ ఈ ఘటన జరిగింది. పోలీసులకు ఫిర్యాదు చేసినా దొంగ దొరకలేదు. అయితే, ఇందుకు ఉపాయం ఆలోచించిన న్యాయమూర్తి.. స్వయంగా రంగంలోకి దిగి దొంగను కటకటాల వెనక్కి పంపడంలో కీలకంగా వ్యవహరించారు.

దొంగ...

man steals woman's underwear

పోలీసులకు ఫిర్యాదు చేసిన తర్వాత ఎనిమిది రోజుల పాటు నిరీక్షించినా.. దొంగ దొరకకపోవడం వల్ల.. న్యాయమూర్తి స్వయంగా ఓ పథకం రచించారు. ఇంటి బయట బట్టలు ఆరబెట్టి దొంగ కోసం నిరీక్షించారు.

ఈ క్రమంలోనే ఇంట్లోకి వచ్చిన దొంగ.. మహిళల లోదుస్తులు, బూట్లు, చెప్పులతో పరారయ్యేందుకు ప్రయత్నించాడు. వెంటనే జడ్జి, అతడితో పాటు ఉన్న మరో ఇద్దరు కలిసి దొంగను పట్టుకున్నారు. ఇదంతా సీసీటీవీలో రికార్డైంది.

దొంగను పట్టుకుంటూ...

దొంగను సుశాంత్ సదాశివ్​ చావన్​గా గుర్తించారు. గార్గోటీ కోర్టు ఉద్యోగి అయిన రంగారావు హరిచందం ఈ మేరకు పోలీసులకు ఫిర్యాదు చేశారు. నిందితుడిని పోలీసులు అదుపులోకి తీసుకొని విచారణ చేపట్టారు. నిందితుడు సుశాంత్ ఓ ప్రముఖ ఆస్పత్రిలో ఉద్యోగం చేస్తున్నాడని పోలీసులు తెలిపారు.

ఇదీ చదవండి:అండర్​వేర్​ల దొంగ.. లాండ్రీ నుంచి 730 లోదుస్తులు చోరీ