కేరళలోని వందేభారత్ ఎక్స్ప్రెస్ రైలులో ఓ విచిత్రమైన ఘటన జరిగింది. టికెట్ తీసుకోకుండా రైలు ఎక్కిన ఓ వ్యక్తి టాయిలెట్లోకి వెళ్లి గడియ వేసుకున్నాడు. ఎంత పిలిచినా బయటకు వచ్చేందుకు ససేమిరా అంటూ గంటల తరబడి లోపలే ఉండిపోయాడు. చివరకు తలుపు విరగ్గొట్టి అతడిని ఆర్పీఎఫ్ అధికారులు బయటకు తీసుకువచ్చారు.
అసలేం జరిగిందింటే?
ఆదివారం మధ్యాహ్నం ఉత్తర కాసర్గోడ్ జిల్లాలో వందే భారత్ రైలు ఎక్కాడు ఓ వ్యక్తి. వెంటనే బాత్రూమ్లోకి వెళ్లి తలుపు గడియ పెట్టుకున్నాడు. ప్రయాణికులు, అధికారులు.. ఎంత పిలిచినా బయటకు రాలేదు. గంటలు తరబడి లోపలే ఉండిపోయాడు. ఆ రైలు దాదాపు 275 కి.మీ ప్రయాణించి శోర్‌నూర్‌ స్టేషన్కు చేరిన తర్వాత అధికారులు చేసేదేమి లేక మరుగుదొడ్డి తలుపు విరగ్గొట్టారు. అతడిని బయటకు తీసుకువచ్చారు.
బాత్రూమ్లోకి వెళ్లి గడియ వేసుకున్న వ్యక్తి అయితే ఎర్రటి టీషర్టు ధరించి భయం భయంగా చూస్తున్న ఆ వ్యక్తి హిందీ మాట్లాడుతున్నాడని, స్వస్థలం ఆరా తీయాల్సి ఉందని ఆర్పీఎఫ్ అధికారులు చెప్పారు. తనను కొంతమంది తరుముకొంటూ వచ్చారని, వారి నుంచి తప్పించుకునే ప్రయత్నంలో బాత్రూమ్లోకి దూరి.. గడియ వేసుకున్నట్లు ఆ వ్యక్తి తెలిపాడు.
కేరళలలో రెండు నెలల క్రితం.. ప్రధాని మోదీ జెండా ఊపివందేభారత్రైలును ప్రారంభించారు. అయితే రైలును ప్రారంభించిన తొలి రోజే.. వందే భారత్ రైలులో లీకులు కనిపించడం అప్పట్లో చర్చనీయాంశమైంది. లీక్ నేపథ్యంలో గమ్యస్థానం కాసర్గోడ్ వెళ్లాల్సిన ఈ సెమీ హైస్పీడ్ రైలు.. కన్నూర్ రైల్వే స్టేషన్లోనే నిలిచిపోయింది. వెంటనే అధికారులు.. ఏసీ గ్రిల్కు మరమ్మతులు చేపట్టారు.
అసలేం జరిగిందంటే?
ఏప్రిల్ 25న ఉదయం మోదీ ప్రారంభించిన తర్వాత.. వందే భారత్ రైలు తిరువనంతపురం నుంచి కాసర్గోడ్ బయలుదేరింది. మార్గమధ్యలో రైలు ఎగ్జిక్యూటివ్ బోగీలోని ఏసీ గ్రిల్లో వాటర్ లీక్ అవుతున్నట్లు అధికారులు గుర్తించారు. వెంటనే కన్నూర్ రైల్వే స్టేషన్లో రైలును నిలిపివేశారు. ఐసీఎఫ్ (ఇంటిగ్రల్ కోచ్ ఫ్యాక్టరీ)కి చెందిన సాంకేతిక నిపుణులు రైలులో తనిఖీలు చేపట్టారు. సమస్యను గుర్తించి మరమ్మతులు చేశారు. ఆ తర్వాత రైలు కాసర్గోడ్ చేరుకుంది. బుధవారం మధ్యాహ్నం రెండు గంటలకు రైలు.. కాసర్గోడ్ నుంచి తిరిగి తిరువనంతపురం చేరనుంది. ఇలాంటి చిన్న మరమ్మతులు జరగడం సాధారణమనేనని.. కొన్ని రోజుల పాటు తనిఖీలు కొనసాగుతాయని అధికారులు తెలిపారు.
వందేభారత్ ఎక్స్ప్రెస్లకు ఇప్పటికే అనేక చోట్లప్రమాదాలు కూడా జరిగాయి. గతేడాది నవంబర్లో గుజరాత్లోని ఆనంద్ రైల్వే స్టేషన్ సమీపంలో పట్టాలు దాటుతున్న ఓ 54 ఏళ్ల మహిళను ముంబయి వెళ్తున్న సెమీ హైస్పీడ్ రైలు ఢీ కొట్టింది. దీంతో ఆమె అక్కడికక్కడే మృతి చెందినట్లు రైల్వే పోలీసులు తెలిపారు. మృతురాలు అహ్మదాబాద్కు చెందిన బీట్రైస్ ఆర్కిబాల్డ్ పీటర్గా గుర్తించారు. అంతకుముందు.. అక్టోబరు 6న ముంబయి నుంచి గాంధీనగర్‌కు వెళ్తున్న వందే భారత్ ఎక్స్ప్రెస్ రైలు గుజరాత్లోని వత్వా, మణినగర్ రైల్వే స్టేషన్ల మధ్య నాలుగు గేదెలను ఢీకొట్టింది. ఈ ఘటనలో రైలు ముందు ప్యానెల్ పూర్తిగా దెబ్బతింది.
