అడిగిన వెంటనే తువ్వాలు ఇవ్వలేదని భార్యను దారుణంగా హత్య చేశాడో భర్త. ఈ ఘటన మధ్యప్రదేశ్లోని బాలాఘాట్ జిల్లాలో హీరాపుర్ గ్రామంలో శనివారం జరిగింది. నిందితుడు అటవీ శాఖకు చెందిన ఉద్యోగి రాజ్కుమార్ బాహేగా పోలీసులు గుర్తించారు.
కుమార్తెను బెదిరించి..
టవల్ ఆలస్యంగా ఇచ్చిందని భార్యను దారుణంగా చంపిన భర్త
మధ్యప్రదేశ్లోని బాలాఘాట్ జిల్లాలో లేటుగా తువ్వాలు ఇచ్చిందన్న కారణంతో ఓ వ్యక్తి.. భార్యను దారుణ హత్య చేశాడు. ఈ ఘటనపై కేసు నమోదు చేసిన పోలీసులు నిందితుడిని అరెస్ట్ చేశారు.
తువ్వాలు ఇవ్వలేదని భార్య దారుణ హత్య
శనివారం సాయంత్రం స్నానం ముగించుకున్న రాజ్కుమార్... భార్య పుష్పా బాయ్ (45)ను టవల్ అడిగాడు. ప్రస్తుతం తాను పనిలో ఉన్నానని తువ్వాలు కావాలంటే కాసేపు ఆగాలని చెప్పిన భార్య.. కాస్త ఆలస్యంగా అతనికి టవల్ అందించింది. భార్య ఆలస్యంగా తువ్వాలు ఇవ్వడం వల్ల రాజ్కుమార్ కోపోద్రిక్తుడయ్యాడు. దీంతో అక్కడే ఉన్న పారతో భార్య తలపై దాడి చేశాడు. అడ్డు వచ్చిన కుమార్తెను బెదిరించాడు. రాజ్కుమార్ దాడికి పుష్పా అక్కడిక్కడే మృతిచెందింది.
ఈ ఘటనపై కేసు నమోదు చేసిన పోలీసులు నిందితుడిని ఆదివారం సాయంత్రం అరెస్ట్ చేశారు.
ఇదీ చూడండి :షూలో దూరిన పాము.. త్రుటిలో తప్పిన ప్రమాదం