ఉక్రెయిన్లో చిక్కుకున్న కుమార్తెను తీసుకొస్తానంటూ.. ఓ మహిళను నమ్మించి రూ. 42వేలు తీసుకుని మోసం చేశాడు ఓ నిరుద్యోగి. మధ్యప్రదేశ్లోని విదీశాలో జరిగిన ఈ ఘటన శనివారం వెలుగులోకి వచ్చింది. నిందితుడు హరియాణాలోని గురుగ్రామ్కు చెందిన ప్రిన్స్ గావగా పోలీసులు గుర్తించారు.
ఇదీ జరిగింది..
ప్రధానమంత్రి కార్యాలయం నుంచి మాట్లాడుతున్నాను అంటూ విదీశాకు చెందిన బాధితురాలు వైశాలి విల్సన్కు నిందితుడు ప్రిన్స్ బుధవారం ఫోన్ చేశాడు. ఉక్రెయిన్లో చిక్కుకున్న వైశాలి కుమార్తెను సురక్షితంగా తిరిగి తీసుకొస్తానని బాధితురాలని నమ్మించాడు. ఈ క్రమంలో బాధితురాలి నుంచి రూ.42 వేలు తీసుకున్నాడు. డబ్బులు ట్రాన్ఫర్ చేసిన తర్వాత నిందితుడు బాధితురాలి ఫోన్లకు స్పందించడం మానేశాడు. దీంతో మోసపోయానని గ్రహించిన బాధితురాలు పోలీసులను ఆశ్రయించింది.
బాధితురాలి ఫిర్యాదు మేరకు కేసు నమోదు చేసిన మధ్యప్రదేశ్ పోలీసులు.. శుక్రవారం రాత్రి గురుగ్రామ్లో అరెస్ట్ చేశారు. నిందితుడిని విదీశాకు తీసుకొచ్చిన పోలీసులు రిమాండ్కు తరలించారు.
ఇదీ చూడండి :చదువుకు 'పది'తోనే స్వస్తి.. ఆలోచనలు ఆకాశానికి..!