బంగాల్లో ప్రభుత్వం ఆధ్వర్యంలో నడుస్తున్న అన్ని విశ్వవిద్యాలయాలకు ముఖ్యమంత్రిని ఛాన్సలర్గా చేసే ప్రతిపాదనకు రాష్ట్ర కేబినెట్ సోమవారం ఆమోదం తెలిపింది. ఇక నుంచి రాష్ట్ర గవర్నర్ జగ్దీప్ ధన్కర్ స్థానంలో ముఖ్యమంత్రి మమతా ఛాన్సలర్గా వ్యవహరించనున్నారు. ఈ నిర్ణయంతో గవర్నర్ అధికారాల్లో కోత పడనుంది. గత కొన్ని రోజులుగా గవర్నర్ జగ్దీప్ ధన్కర్కు, సీఎం మమతకు మధ్య వివాదాలు తలెత్తుతున్న నేపథ్యంలో ఇటీవలే మమత సర్కారు ఈ నిర్ణయం తీసుకుంది. ఇప్పుడు బిల్లుకు కేబినెట్ ఆమోదంతో మరో అడుగు ముందుకేసింది.
యూనివర్సిటీల ఛాన్సలర్గా మమత.. గవర్నర్ అధికారాలు కట్
Mamata Banerjee news: బంగాల్లో కీలక పరిణామం జరిగింది. విశ్వవిద్యాలయాలకు ఛాన్సలర్గా వ్యవహరిస్తున్న గవర్నర్ స్థానంలో.. ముఖ్యమంత్రిని ఛాన్సలర్ను చేసేందుకు రాష్ట్ర కేబినెట్ ఆమోదం తెలిపింది.
మమతా బెనర్జీ
ప్రైవేట్ విశ్వవిద్యాలయాల్లో ఆహ్వానితుల జాబితా నుంచి గవర్నర్‌ను తొలగించి.. ఆ స్థానంలో రాష్ట్ర విద్యాశాఖ మంత్రిని చేర్చాలన్న మరో ప్రతిపాదనకూ బంగాల్ కేబినెట్ ఆమోదం తెలిపింది. వ్యవసాయ, ఆరోగ్య వర్సిటీలతో సహా.. ప్రభుత్వ ఆధ్వర్యంలోని నడుస్తున్న అన్ని విశ్వవిద్యాలయాలకు ముఖ్యమంత్రిని ఛాన్సలర్గా చేయడానికి మంత్రివర్గం ఆమోదం తెలిపిందని ఓ ప్రభుత్వ ఉన్నతాధికారి వెల్లడించారు. జూన్ 10న ప్రారంభమయ్యే వర్షాకాల సమావేశాల్లో ఈ ప్రతిపాదనలను అసెంబ్లీలో బిల్లుగా ప్రవేశపెట్టనున్నారు.
ఇదీ చదవండి:'మీలా మతోన్మాదులకు స్మారకాలు కట్టట్లేదు'... పాక్పై భారత్ ఫైర్