కర్ణాటకలో దారుణం జరిగింది. తాను పని చేస్తున్న ఆస్పత్రిలోని మహిళా వైద్యురాలిపై అత్యాచారానికి పాల్పడ్డాడు 24 ఏళ్ల పురుష నర్స్. అంతటితో ఆగకుండా ఆమె నగ్న చిత్రాలను సామాజిక మాధ్యమాల్లో షేర్ చేశాడు. గతేడాది డిసెంబరులో జరిగిన ఈ ఘటన తాజాగా వెలుగు చూసింది.
పోలీసుల వివరాలు..
కేరళ త్రిస్సూర్కు చెందిన 24 ఏళ్ల నిషామ్ బాబు కర్ణాటకలోని ఓ ప్రైవేటు ఆస్పత్రిలో పనిచేస్తున్నాడు. ఇదే క్రమంలో 28 ఏళ్ల మహిళా వైద్యురాలు కొత్త ఉద్యోగ అన్వేషణలో భాగంగా నిషామ్ పని చేసే ఆస్పత్రికి వచ్చింది. దీంతో ఆమెకు ఎలాగైనా ఉద్యోగం ఇప్పిస్తానని మాయమాటలు చెప్పి లొంగదీసుకున్నాడు. వైద్యురాలిని ఓ హోటల్కు తీసుకెళ్లి ఆమెపై లైంగిక దాడికి పాల్పడ్డాడు. అనంతరం ఆమె నగ్న ఫొటోలను తన ఫోన్ కెమెరాలో బంధించాడు. తాను చెప్పినట్లు చేయకుంటే వీటిని సోషల్ మీడియాలో షేర్ చేస్తానని బెదిరించి పలు మార్లు ఆమెపై అత్యాచారానికి పాల్పడ్డాడు. విసుగు చెందిన బాధితురాలు నిందితుడి ఫోన్ నంబర్ను బ్లాక్ లిస్ట్లో పెట్టింది. దీంతో ఆమెపై కోపం పెంచుకున్న అతడు ఆమె నగ్న ఫొటోలను సామాజిక మాధ్యమాల్లో పోస్ట్ చేశాడు. బాధితురాలి ఫిర్యాదు మేరకు కేసు నమోదు చేసుకున్న పోలీసులు నిందితుడిపై ఐపీసీలోని పలు సెక్షన్ల కింద కేసు నమోదు చేశారు.
10 ఏళ్ల బాలికపై 45 ఏళ్ల వ్యక్తి హత్యాచారం..
మహారాష్ట్ర పాల్ఘర్ జిల్లాకు చెందిన 45 ఏళ్ల ఓ వ్యక్తి 10 ఏళ్ల బాలికను కిడ్నాప్ చేసి అత్యాచారం చేశాడు. అనంతరం ఆమెను హత్య చేసి మృతదేహాన్ని గుజరాత్‌కు తీసుకెళ్లి పడేశాడు. ఈ కేసులో నిందితుడిని పోలీసులు అరెస్టు చేశారు.
తలసరి గ్రామానికి చెందిన బాధిత బాలిక బుధవారం ఉదయం పాఠశాలకు వెళ్లి సాయంత్రం అయినా ఇంటికి తిరిగి రాకపోవడం వల్ల ఆమె తల్లిదండ్రులు స్థానిక పోలీస్ స్టేషన్లో ఫిర్యాదు చేశారు. ఈ ఘటనకు సంబంధించి నిందుతుడిని పట్టుకునేందుకు నాలుగు పోలీస్ బృందాలు రంగంలోకి దిగాయి. ఈ క్రమంలో బాలిక బంధువుల్లోని 45 ఏళ్ల వ్యక్తపై అనుమానం రావడం వల్ల అతడిని అదుపులోకి తీసుకొని విచారించగా నేరాన్ని అంగీకరించాడు. విచారణలో నిందితుడు బాలికను తలసరి గ్రామం నుంచి కిడ్నాప్ చేసి గుజరాత్లోని సంజన్ ప్రాంతానికి తీసుకెళ్లి అత్యాచారం చేసినట్లు చెప్పాడు. అనంతరం హత్య చేసి ఆపై బాలిక మృతదేహాన్ని అడవిలో పడేసినట్లుగా ఒప్పుకున్నాడని పోలీస్ అధికారి సచిన్ నవాద్కర్ తెలిపారు. ఘటనా స్థలికి చేరుకున్న పాల్ఘర్ జిల్లా పోలీసులు బాలిక మృతదేహాన్ని స్వాధీనం చేసుకుని శవపరీక్ష కోసం ఆస్పత్రికి పంపించారు.
దివ్యాంగుడని చంపేసింది..
రాజస్థాన్ కోటా నగరంలోని ఆదర్శిల సమీపంలో ఉన్న నదిలో 4 ఏళ్ల చిన్నారి మృతదేహం లభించిన కేసులో ఆమె తల్లిని అరెస్టు చేశారు పోలీసులు. కోటా-దాదాబరి పోలీస్ స్టేషన్ పరిధిలో ఈ ఘటన వెలుగు చూసింది.
పోలీసుల కథనం ప్రకారం.. గతనెల 28న చంబా నదిలో మానసిక దివ్యాంగుడైన తన నాలుగేళ్ల కుమారుడిని నీటిలో ముంచి హత్య చేసింది మధ్యప్రదేశ్కు చెందిన ఓ తల్లి. ఈమె రాజస్థాన్లోని బరన్ జిల్లాకు వలస వచ్చి జీవనం సాగిస్తుంది. ఇప్పటికే ఈ కేసులో మహిళను అరెస్టు చేశారు పోలీసులు. ఈ ఘటనపై కేసు నమోదు చేసి విచారణ ప్రారంభించినట్లుగా కోటా నగర ఎస్పీ శరద్ చౌదరి తెలిపారు. తన కుమారుడిని నదిలో పడేసే సమయంలో నిందితురాలి చేతిలో తన 6 నెలల చిన్నారి కుడా ఉందని స్థానికులు చెబుతున్నారు.
