స్మార్ట్ఫోన్ సాయంతో ఈసీజీ పరీక్ష ఈసీజీ గ్రాఫ్ తెలుసుకోవాలంటే మెడికల్ ల్యాబ్లకు వెళ్లాల్సిందే. అయితే ఈ శ్రమ లేకుండా.. ఒక్క క్లిక్తోనే మనం ఉన్నచోటే ఈసీజీ తీసేలా ఓ పరికరాన్ని రూపొందించారు మహారాష్ట్ర ఔరంగబాద్ జిల్లాకు చెందిన నలుగురు యువకులు. ప్రతీక్ తొద్కర్, డాక్టర్ తన్వీ నికల్జీ, మిహిర్ గైక్వాడ్, గౌతమ్ బృందం అభివృద్ధి చేసిన ఈ విప్లవాత్మక పరికరాన్ని 'ఈడీ కార్డియోప్లోట్ 12' అని పిలుస్తారు.
ఈడీ కార్డియోప్లోట్ 12 పరికరం ఎలా పని చేస్తుంది?
'ఈడీ కార్డియోప్లోట్ 12' పరికరం సాధారణ ఈసీజీ యంత్రంలానే పని చేస్తుంది. రోగి శరీరానికి అమర్చిన ఈసీజీ లీడ్స్ను కార్డియోప్లోట్ 12 పరికరానికి జోడించాలి. తర్వాత ఆ పరికరాన్ని యూఎస్బీ కేబుల్ ద్వారా స్మార్ట్‌ఫోన్‌కు అనుసంధానించాలి. స్మార్ట్‌ఫోన్‌లోని సాఫ్ట్‌వేర్ 10 సెకన్లలో ఆ పరికరాన్ని గుర్తించి.. ఈసీజీ తీయడం ప్రారంభిస్తుంది.
స్మార్ట్ ఫోన్లో ఈసీజీ గ్రాఫ్ ఫీచర్లు
ఈడీ కార్డియోప్లోట్ 12ను ఎక్కడికైనా సులభంగా తీసుకెళ్లవచ్చు. ఇది ఫోన్ ఛార్జింగ్ ద్వారానే పని చేస్తుంది. దీనికి ప్రత్యేకంగా ఛార్జింగ్ పెట్టాల్సిన అవసరం లేదు. దీనిని సామాన్యులు సైతం సులభంగా ఆపరేట్ చేసేలా రూపకల్పన చేశారు. ఈ పరికరం సాయంతో ఎప్పుడు కావాలంటే అప్పుడు.. ఈజీసీ గ్రాఫ్ను పొందవచ్చు. అవసరమైతే డిజిటల్ కాపీని డాక్టర్కు పంపించవచ్చు.
స్మార్ట్ ఫోన్లో ఈసీజీ గ్రాఫ్ గతేడాదిలో మూడు వేర్వేరు దశల్లో ఈ పరికరాన్ని పరీక్షించారు. చివరిగా నాలుగో దశలో విజయవంతంగా దీనిని పరీక్షించినట్లు రూపకర్తలు తెలిపారు. అనంతరం గ్రామీణ ప్రాంతాల్లోని రెండు ఆసుపత్రులలో ఈడీ కార్డియోప్లోట్తో పరీక్షలు నిర్వహించారు. ప్రస్తుతం అందుబాటులో ఉన్న ఈసీజీ పరికరాల కంటే మెరుగ్గా పని చేస్తున్నట్లు చెబుతున్నారు.
ఇదీ చూడండి:రైళ్లలో వ్యర్థాల నిల్వ సమస్యకు.. నూతన సాంకేతికతతో చెక్
