ఆ మంత్రికి రెండోసారి కరోనా పాజిటివ్​

మహారాష్ట్ర మంత్రి ధనంజయ్​ ముండేకు రెండోసారి కరోనా సోకింది. గతేడాది జూన్​లోనూ ఆయనకు కొవిడ్​ పాజిటివ్​గా నిర్ధరణ అయింది. ఈ నేపథ్యంలో.. తనతో సన్నిహితంగా మెలిగిన వారిని టెస్టులు చేయించుకోవాలని కోరారు.

మహారాష్ట్ర సామాజిక న్యాయ శాఖ మంత్రి ధనంజయ్​ ముండే మరోసారి కరోనా బారినపడ్డారు. ఆయనకు కొవిడ్​ పాజిటివ్​గా తేలినట్లు మంగళవారం రాత్రి తెలిపారు. ఈ మేరకు ట్వీట్​ చేశారు. కొద్దిరోజులుగా తనను కలిసిన వారు టెస్టులు చేయించుకోవాలని కోరారు. గతేడాది జూన్ 12న తొలిసారి ముండేకు కరోనా సోకింది. కొద్ది రోజుల అనంతరం కోలుకున్నారు.

మంత్రి ట్వీట్​

'' రెండోసారి నాకు కరోనా పాజిటివ్​గా తేలింది. కొద్దిరోజులుగా నాతో సన్నిహితంగా మెలిగిన వారంతా పరీక్షలు చేయించుకోవాలని కోరుతున్నా. భయపడాల్సిన పనిలేదు. అందరూ మాస్కులు ధరిస్తూ, భౌతిక దూరం పాటిస్తూ జాగ్రత్తగా ఉండండి.''

- ధనంజయ్​ ముండే, మహారాష్ట్ర మంత్రి

మహారాష్ట్ర కేబినెట్​ మంత్రి, సీఎం ఉద్ధవ్​ ఠాక్రే తనయుడు ఆదిత్య ఠాక్రేకు కూడా 3 రోజులు కిందట కొవిడ్​ సోకింది.

రాష్ట్రంలో కరోనా కేసులు విపరీతంగా పెరుగుతున్నాయి. మంగళవారం 28 వేలకుపైగా కొత్త కేసులు నమోదయ్యాయి. మహారాష్ట్రలో మొత్తం 25 లక్షల 33 వేలమందికిపైగా కరోనా సోకగా.. ప్రస్తుతం 2 లక్షల 30 వేల యాక్టివ్​ కేసులున్నాయి.

ఇదీ చూడండి: నక్సల్స్ ఘాతుకం- ఐదుగురు జవాన్లు మృతి