Param Bir Singh News: బలవంతపు వసూళ్లకు సంబంధించి ఆరోపణలు ఎదుర్కొంటున్న ముంబయి మాజీ పోలీసు కమిషనర్ పరమ్బీర్ సింగ్కు మహారాష్ట్ర నేర దర్యాప్తు విభాగం(సీఐడీ) సమన్లు జారీ చేసింది. సోమవారం లేదా మంగళవారం ఏజెన్సీ ఎదుట హాజరుకావాలని ఆదేశించినట్లు అధికారవర్గాలు తెలిపాయి.
ముంబయికి చెందిన కేతన్ తన్నా, సోనూ జలాన్, రియాజ్ భాటియాలు ఇచ్చిన ఫిర్యాదు మేరకు బలవంతపు వసూళ్లకు సంబంధించి జులై 30న పరంబీర్సింగ్తోపాటు మరో 29 మందిపై ఠాణె పోలీస్ స్టేషన్లో కేసు నమోదైంది.
అయితే.. పరమ్బీర్సింగ్పై జారీ చేసిన నాన్బెయిలబుల్ వారెంట్ను ఠాణే కోర్టు శుక్రవారం రద్దు చేసింది. పోలీసుల దర్యాప్తునకు సహకరించాలని పరంబీర్ను ఆదేశించింది. కోర్టు ఆదేశాల మేరకు ఠాణే పోలీస్ స్టేషన్లో హాజరయ్యారు పరమ్బీర్ సింగ్.
రిలయన్స్ అధినేత ముకేశ్ అంబానీ నివాసం ముందు పేలుడు పదార్థాలతో కూడిన ఎస్యూవీ నిలిపివేత, వ్యాపారవేత్త మన్‌సుఖ్ హిరేన్‌ హత్య కేసులో మాజీ పోలీసు అధికారి సచిన్ వాజే అరెస్టయ్యారు. ఆ తర్వాత ముంబయి పోలీసు కమిషనర్‌గా ఉన్న పరమ్బీర్ సింగ్‌ను మహారాష్ట్ర సర్కార్‌ బదిలీ చేసింది. అప్పటి నుంచి ఆయన అదృశ్యమయ్యారు. ఈ ఏడాది మే తర్వాత ఒక్కసారి కూడా ఆఫీస్కు వెళ్లలేదు.
ఇదీ చూడండి:పరంబీర్ సింగ్పై నాన్ బెయిలబుల్ వారెంట్ రద్దు