తల్లిదండ్రుల్ని పట్టించుకోని ఉద్యోగుల జీతాల్లో కోత!

తల్లిదండ్రులను పట్టించుకోని ఉద్యోగుల జీతాల్లో కోత విధించాలని తీర్మానం చేసిన మహారాష్ట్రలోని ఔరంగాబాద్ జిల్లా పరిషత్. అమలుకు అనుమతి కోరుతూ రాష్ట్ర ప్రభుత్వానికి పంపింది.

తల్లిదండ్రులను పట్టించుకోని ఉద్యోగుల జీతంలో కోత విధించేలా ఓ కొత్త తీర్మానాన్ని ప్రవేశపెట్టింది మహారాష్ట్రలోని ఔరంగాబాద్​ జిల్లా పరిషత్​. విధి నిర్వహణలో ఒత్తిడి కారణంగా.. వారిపై అలసత్వం ప్రదర్శిస్తే సంబంధిత సిబ్బంది వేతనంలో 30శాతం కోత విధించాలని ప్రతిపాదించింది.

స్థానిక జిల్లా పరిషత్​ కార్యాలయంలో ఈ తీర్మానం ఏకగ్రీవంగా ఆమోదం పొందింది. అయితే.. తదుపరి అనుమతి కోసం రాష్ట్ర ప్రభుత్వానికి పంపినట్టు జిల్లా పరిషత్​ అధ్యక్షురాలు మీనా షెల్కే తెలిపారు. తల్లిదండ్రుల ఆలనాపాలనా చూసుకోని ఉద్యోగులకు ఇదో హెచ్చరిక అవుతుందని ఆమె పేర్కొన్నారు.

"ఉద్యోగుల తల్లిదండ్రుల నుంచి ఇటీవల చాలా ఫిర్యాదులు వచ్చాయి. అందుకు ప్రతిఫలంగానే ఈ చర్యలకు పూనుకోవాల్సి వచ్చింది. ఉద్యోగుల జీతంలో కొంత భాగం వారి తల్లిదండ్రుల ఖాతాల్లో జమ అవుతుంది. ఈ సొమ్ము వారి పరిస్థితులను మెరుగుపరచుకునేందుకు సాయపడుతుంది. ఈ తీర్మానాన్ని ఉద్యోగులంతా స్వాగతించారు."

- మీనా షెల్కే, జిల్లా పరిషత్​ అధ్యక్షురాలు

ఇదీ చదవండి:బైడెన్​పై ప్రేమతో మైనపు విగ్రహం