Maharashtra ATS: మహారాష్ట్ర పాల్ఘర్ జిల్లాలో రూ.5 కోట్లు విలువైన హెరాయిన్ పట్టుబడింది. ఈ ఘటనకు సంబంధించి ఇద్దరు డ్రగ్స్ వ్యాపారులను అరెస్ట్ చేసింది మహారాష్ట్ర తీవ్రవాద నిరోధక దళం(ఏటీఎస్).
వసయీ ప్రాంతంలోని పెల్హార్ గ్రామంలో మాదక ద్రవ్యాల రవాణా జరుగుతున్నట్లు పక్కా సమాచారం అందుకున్న ఏటీఎస్ అధికారులు.. తనిఖీలు నిర్వహించారు. ఈ క్రమంలో 1.724 కిలోల హెరాయిన్ పట్టుబడింది. దీంతో పాటు రూ.2,60,000 నగదు, రెండు మొబైల్ ఫోన్లు స్వాధీనం చేసుకున్నట్లు ఏటీఎస్ అధికారులు తెలిపారు.
షూ రవాణా ముసుగులో డ్రగ్స్..
ఈ ఘటనకు సంబంధించి ముగ్గురిపై కేసు నమోదు చేసిన అధికారులు.. ఇద్దరిని అరెస్ట్ చేశారు. మరొకరు పరారీలో ఉన్నట్లు తెలిపారు. ఆ ఇద్దరు నిందితులను ఉత్తరాఖండ్కు చెందిన అలీమ్ మహ్మద్ అక్తర్(30), చోటా మహ్మద్ నజీర్లుగా(40) గుర్తించారు. వారిని విచారించగా కొత్త బూటుల్లో రాజస్థాన్ నుంచి ముంబయికి డ్రగ్స్ రవాణా చేస్తున్నట్లు చెప్పారని అధికారులు తెలిపారు. నిందితులను కోర్టులో హాజరుపరచగా.. ఫిబ్రవరి 15 వరకు తమ కస్టడీకి పంపినట్లు ఏటీఎస్ తెలిపింది.
ఇదీ చూడండి:దేశంలో లక్ష దిగువకు కరోనా కొత్త కేసులు.. పెరిగిన మరణాలు
