రోడ్డుపక్కన దోసెలు వేస్తున్న నవనీత్ కౌర్ వీధి వ్యాపారులను ఆశ్చర్యపరిచారు మహారాష్ట్ర అమరావతి ఎంపీ నవనీత్ కౌర్ రాణా. ఓ తోపుడు బండి వద్ద దోసెలు తానే స్వయంగా వేసుకున్నారు. అంతేకాకుండా ఆ వ్యాపారులతోనూ ఆమె ముచ్చటించారు. వారి బాగోగులను తెలుసుకున్నారు.
వాహనాన్ని ఆపి..
షెగావ్ నాకా, కాతోరా నాకా ప్రాంతాల్లో రహదారి అభివృద్ధి పనులను పరిశీలించడానికి ఎంపీ నవనీత్ కౌర్ బయలుదేరారు. అయితే.. ఆకస్మాత్తుగా.. గాడ్గేనగర్ వద్ద తన వాహనాన్ని ఆపారు. అనంతరం అక్కడ ఓ తోపుడు బండిపై దోసెలు అమ్మతున్న చోటుకు వెళ్లారు. తానే స్వయంగా దోసె వేసుకున్నారు.
దోసెలు వేస్తున్న ఎంపీ నవనీత్ కౌర్ దోసె తింటున్న నవనీత్ కౌర్ ఎంపీకి గ్లాసులో టీ పోస్తున్న వ్యాపారి సమీపంలోని ఓ టీస్టాల్ వద్దకు వెళ్లి అక్కడ తేనీరు సేవించారు నవనీత్ కౌర్. అక్కడే ఓ వ్యాపారి వద్ద రెండు కిలోల మామిడి పండ్లు కొనుగోలు చేశారు. అయితే.. అతడు ఎంపీ నుంచి డబ్బులు తీసుకునేందుకు నిరాకరించాడు. దీంతో ఆమె అతడిని వారించి డబ్బులు ఇచ్చారు. ఈ క్రమంలో ఎంపీకి తమ వ్యాపారంలో ఎదురయ్యే సమస్యలను వారంతా ఏకరువు పెట్టారు. త్వరలోనే వాటిని పరిష్కరిస్తానని ఆమె హామీ ఇచ్చారు.
టీ తాగుతున్న నవనీత్ కౌర్ మామిడి పండ్లను కొనుగోలు చేస్తున్న ఎంపీ రాజకీయాల్లోకి ప్రవేశించకముందు సినిమాల్లో నటించారు నవనీత్ కౌర్ రాణా. తెలుగులో జూనియర్ ఎన్టీఆర్ నటించిన యమదొంగ సినిమాలో కనిపించి సందడి చేశారు.
ఇదీ చూడండి:అమరావతి ఎంపీ నవనీత్ కౌర్కు సుప్రీంలో ఊరట
ఇదీ చూడండి:నవనీత్ కౌర్కు షాక్- ఎంపీ పదవి పోతుందా?
