ఫ్రెండ్ కుమార్తెపైనే గ్యాంగ్​ రేప్.. పెరట్లోకి తీసుకెళ్లి...

Madhya Pradesh Rape News: దళితురాలైన మైనర్ బాలికపై సామూహిక అత్యాచారానికి పాల్పడిన ఘటన ఆలస్యంగా వెలుగుచూసింది. మధ్యప్రదేశ్​లో జరిగిన ఈ ఘటనలో బాలిక తండ్రి స్నేహితులే నిందితులని పోలీసులు తెలిపారు. మరో ఘటనలో.. కన్నకూతురిపైనే అత్యాచారం చేశాడో దుర్మార్గపు తండ్రి. బాధితురాలికి తల్లి కూడా లేదని పోలీసుల విచారణలో వెల్లడైంది.

Madhya Pradesh Rape News: మధ్యప్రదేశ్‌లోని జబల్‌పూర్ జిల్లాలో దారుణ ఘటన జరిగింది. 11 ఏళ్ల దళిత బాలికపై ఆమె తండ్రి స్నేహితులిద్దరు అత్యాచారానికి పాల్పడ్డారు. డిసెంబర్ 7న జరిగిన ఈ ఘటన ఆలస్యంగా వెలుగులోకి వచ్చింది. ఈ ఉదంతంలో నిందితులిద్దరినీ అరెస్ట్ చేసినట్లు పోలీసులు తెలిపారు.

'7వ తరగతి చదువుతున్న బాలికపై.. 25, 26 ఏళ్ల వయస్సున్న బాలిక తండ్రి స్నేహితులు ఆమె ఇంటి పెరట్లోనే ఈ దుర్మార్గానికి పాల్పడ్డారు' అదనపు ఎస్పీ సంజయ్ అగర్వాల్ తెలిపారు.

"బాలికపై అత్యాచారం జరిగిన విషయాన్ని పొరుగింటి మహిళ గమనించింది. అయితే ఆమె డిసెంబర్ 11న మాకు సమాచారం అందించింది. అనంతరం బాలిక కుటుంబ సభ్యులతో మాట్లాడి పోలీసులు ఘటనపై కేసు నమోదు చేశారు."

--సంజయ్ అగర్వాల్, అదనపు ఎస్పీ

Rape on Dalit Girl: ఘటనపై బాలిక కుటుంబ సభ్యులతో మాట్లాడినట్లు పోలీస్ స్టేషన్ ఇన్‌చార్జి విజయ్ పరస్తే తెలిపారు. కౌన్సెలింగ్‌ అనంతరం జరిగిన విషయాన్ని ఆమె వెల్లడించిందన్నారు.

'నిందితులిద్దరినీ ఆదివారం అరెస్టు చేశాం. వారిపై ఐపీసీతో పాటు.. పోక్సో, ఎస్సీ/ఎస్టీ చట్టం కింద కేసు నమోదు చేశాం' అని పరస్తే వివరించారు.

సొంత కూతురిపై..

Uttar Pradesh Rape News: మరో ఘటనలో.. తాగిన మైకంలో ఉన్న ఓ తండ్రి కన్న కూతురిపైనే అత్యాచారానికి పాల్పడ్డాడు. ఉత్తర్​ప్రదేశ్​ ఫతేపుర్‌లోని ఖగా కొత్వాలి పోలీస్ స్టేషన్ పరిధిలో ఈ ఘోరం వెలుగుచూసింది.

9 ఏళ్ల బాధితురాలు తన తండ్రితో పాటు నిద్రిస్తోంది. ఈ క్రమంలో అర్ధరాత్రి సమయంలో ఆమె ఏడుపులు విని మేల్కొన్న బాలిక పెదనాన్న జరిగిన దారుణాన్ని గమనించాడు. ఈ ఘటనపై ఉదయం పోలీసులకు ఫిర్యాదు చేశాడు.

'నిందితుడిని అరెస్టు చేశాం. బాలికకు వైద్య పరీక్షలు చేయించాం' అని అదనపు ఎస్పీ గయాదత్ మిశ్రా తెలిపారు. బాధితురాలి తల్లి కొన్నేళ్ల క్రితమే చనిపోయిందని వివరించారు.

ఇవీ చదవండి: