లాటరీ తగిలిన టికెట్టు ఎవరి వద్ద ఉంటే వారికే డబ్బులు ఇస్తారు. కానీ, ఫోన్ ద్వారానే లాటరీ టికెట్టు కొనుగోలు చేసిన వ్యక్తికే డబ్బులు ఇచ్చి తమ నిజాయతీని చాటుకున్నారు కేరళలోని ఎర్నాకుళంకు చెందిన దంపతులు.
ఇదీ జరిగింది..
డబ్బులు లేకున్నా లాటరీ టికెట్- రూ.6కోట్ల జాక్పాట్ - లక్కీడ్రా
లాటరీ టికెట్టు విక్రయదారుల నిజాయతీ.. ఓ వ్యక్తిని కోటీశ్వరుడ్ని చేసింది. టికెట్టు కొనుగోలు చేసేందుకు డబ్బులు లేవని, తర్వాత ఇస్తానని చెప్పగా.. ఫోన్లోనే నంబర్ పంపారు. అదే నంబర్కు లాటరీ తగిలింది. వారు అతనికి లాటరీ డబ్బులు వచ్చేలా చేసి నిజాయతీని చాటుకున్నారు.
స్మిజా కే మోహన్, రాజేశ్వరన్స్మిజా కే మోహన్, రాజేశ్వరన్ దంపతులు
ఎర్నాకుళంలోని వలంబుర్కక్కనాడ్కు చెందిన దంపతులు స్మిజా కే మోహన్, రాజేశ్వరన్లు లాటరీ టికెట్లు విక్రయిస్తుంటారు. రోజూలాగానే గత ఆదివారం రాజగిరి ఆసుపత్రికి సమీపంలో లాటరీ టికెట్లను అమ్ముతున్నారు. 12 టికెట్లు మినహా అన్నీ అమ్ముడుపోయాయి. వీటిని కూడా అమ్మి ఇంటికి వెళదామంటే ఎవరూ కొనడం లేదు. తరచుగా తన దగ్గర టికెట్లు కొనే వారికి సమాచారం అందించి తీసుకోవాలని చెప్పారు స్మిజా. వారిలో పాలచోటిల్కు చెందిన పీకే చంద్రన్ ఉన్నారు. అతనికి ఫోన్ చేసి టికెట్టు కొనమన్నారు. అయితే టికెట్టు కొనడానికి కావల్సిన రూ.200 తన దగ్గర ఇప్పుడు లేవని మరునాడు ఇస్తానని అన్నాడు. సరే అని ఫోన్లోనే టికెట్టు నెంబర్ చెప్పారు స్మిజా.
మరుసటి రోజు లక్కీడ్రా తీయగా అతనికి చెప్పిన టికెట్టు నెంబర్కే రూ.6కోట్లు జాక్పాట్ తగిలింది. ఆ వెంటనే చంద్రన్ ఇంటికి వెళ్లి.. లాటరీలో రూ.6కోట్లు గెలుచుకున్నాడని స్మిజా దంపతులు చెప్పారు. ఆ తర్వాత అతని నుంచి టికెట్టు రుసుం రూ.200 తీసుకున్నారు.
ఇదీ చదవండి:3000 అడుగుల 'మోదీ ముగ్గు'తో ప్రపంచ రికార్డ్