ఓ చిరుత పులి కుక్కను వేటాడబోయింది. తరుముకుంటూ వచ్చేసరికి ఆ జాగిలం ప్రాణభయంతో ఓ మరుగుదొడ్డిలో దూరింది. చిరుత కూడా అందులోకి ప్రవేశించింది. ఇంతలో ఆ ఇంటి యజమాని మరుగుదొడ్డకి బయట తాళం వేసేసరికి రెండు అందులో బందీ అయ్యాయి. బయటకు పోయే దారి లేక చిరుత అయోమయంతో వేటను మరిచి మూలన నక్కింది. కుక్క తనకు అందుబాటులోనే ఉన్నా దాన్నేమీ చేయలేదు. దాదాపు రెండు గంటల సేపు అవి మరుగుదొడ్డిలోనే ఉండిపోయాయి. ఈ ఘటన కర్ణాటకలోని కుక్కె సుబ్రహ్మణ్య క్షేత్ర సమీపంలోని కైకంబ అనే గ్రామం వద్ద చోటుచేసుకుంది.
బుధవారం ఉదయం కుక్కను తరుముకుంటూ వచ్చిన చిరుత స్థానిక రేగప్ప అనే రైతు నివాసంలోకి దూసుకెళ్లింది. అక్కడి మరుగుదొడ్డిలోకి శునకం ప్రవేశించడంతో చిరుత కూడా లోనికి చొరబడింది.