ఉచిత టీకా​ కోసం మోదీకి విపక్ష నేతల లేఖ

సెంట్రల్ విస్టా ప్రాజెక్టును నిలిపివేసి, అందరికీ ఉచితంగా కరోనా టీకాలను పంపిణీ చేయాలని 12 విపక్ష పార్టీల నేతలు ప్రధాని నరేంద్ర మోదీని డిమాండ్​ చేశారు. వ్యవసాయ చట్టాల్నీ రద్దు చేయాలని కోరారు. ఈమేరకు ఓ లేఖ రాశారు.

సెంట్రల్ విస్టా ప్రాజెక్టును నిలిపివేసి, ఆ డబ్బుతో అందరికీ కరోనా టీకాలను ఉచితంగా ఇవ్వాలని 12 విపక్ష పార్టీల నేతలు ప్రధాని నరేంద్ర మోదీని డిమాండ్​ చేశారు. ఉపాధి కోల్పోయిన వారికి నెలకు రూ.6000, ఉచితంగా ఆహార పదార్థాలు ఇవ్వాలని కోరారు. దాంతో పాటు వ్యవసాయ చట్టాల్నీ రద్దు చేయాలని డిమాండ్ చేశారు. ఈ మేరకు ప్రధానికి లేఖ రాశారు.

లేఖ రాసిన వారిలో కాంగ్రెస్​ అధినేత్రి సోనియా గాంధీ, ఎన్​సీపీ అధినేత శరద్​ పవార్, మహారాష్ట్ర సీఎం ఉద్ధవ్​ ఠాక్రే, ఝార్ఖండ్​ సీఎం హేమంత్​ సొరేన్​, జమ్ముకశ్మీర్​ మాజీ ముఖ్యమంత్రి ఫరూక్​ అబ్దుల్లా, ఆర్​జేడీ నేత తేజస్వీ యాదవ్​, సీపీఐ జాతీయ ప్రధాన కార్యదర్శి డీ రాజా, సీపీఎం జాతీయ ప్రధాన కార్యదర్శి సీతారాం ఏచూరి, బంగాల్ సీఎం మమతా బెనర్జీ, ఎస్​పీ అధినేత అఖిలేశ్ యాదవ్​, తమిళనాడు ముఖ్యమంత్రి స్టాలిన్​ ఉన్నారు.

ఇదీ చదవండి:టీకా విధానం రద్దు కోసం సుప్రీంకు బంగాల్​ సర్కారు