union cabinet: కేంద్ర మంత్రుల వరుస రాజీనామాలు!

కేంద్ర మంత్రి సంతోశ్​ గంగవార్​, కేంద్ర విద్యాశాఖ మంత్రి రమేశ్​ పోఖ్రియాల్ సహా పలువురు మంత్రులు వరుసగా రాజీనామా చేశారు. బుధవారం సాయంత్రం కేబినెట్​ విస్తరణ నేపథ్యంలో కీలక పరిణామాలు చోటు చేసుకుంటున్నాయి.

కేంద్ర మంత్రివర్గ విస్తరణ చేపట్టనున్న నేపథ్యంలో.. కేబినెట్​ నుంచి పలువురు మంత్రులు వైదొలిగారు.

• కేంద్ర మంత్రి పదవికి సంతోశ్​ గంగవార్​ రాజీనామా చేశారు. ప్రస్తుతం మోదీ క్యాబినెట్​లో కేంద్ర కార్మిక శాఖ మంత్రిగా ఉన్న సంతోశ్​ గంగవార్​ మంత్రి పదవి నుంచి వైదొలుగుతున్న ప్రకటించారు.
• రమేశ్​ పోఖ్రియాల్​ కూడా రాజీనామా చేశారు. ప్రస్తుతం కేంద్ర విద్యాశాఖ మంత్రిగా ఉన్న ఆయన పలు అనారోగ్య కారణాలతో పదవి నుంచి తప్పుకున్నట్లు వెల్లడించారు.
• కేంద్రమంత్రి పదవికి రాజీనామా చేశారు సదానందగౌడ. ప్రస్తుతం ఎరువులు, రసాయనాల శాఖ మంత్రిగా ఉన్నారు.
• కేంద్ర మంత్రి పదవికి హర్షవర్ధన్​ రాజీనామా చేశారు. ప్రస్తుతం కేంద్ర ఆరోగ్య శాఖ మంత్రిగా ఉన్నారు హర్షవర్ధన్.
• సంజయ్ దోత్రే.. కేంద్ర మంత్రి పదవి నుంచి వైదొలిగారు.
• కేంద్ర పర్యావరణ శాఖ సహాయ మంత్రి బాబుల్ సుప్రియో తన పదవికి రాజీనామా చేశారు.