లీటరు పాలు రూ.100- రైతుల తీర్మానం

పెట్రోల్​, డీజిల్​ ధరలు ఆకాశాన్నంటుతున్న నేపథ్యంలో హిసార్​ రైతులు ఆగ్రహం వ్యక్తం చేశారు. ఇందుకు నిరసనగా లీటరు పాల ధరను రూ.100కు పెంచుతున్నట్లు హిసార్​ ఖాప్​ పంచాయత్ పేర్కొంది.

సాగు చట్టాలు, పెట్రోల్-డీజిల్​ ధరల పెంపును నిరసిస్తూ పాల ధరను పెంచుతున్నట్లు హరియణా హిసార్​లోని ఖాప్​ పంచాయత్​ పేర్కొంది. లీటరు పాల ధర రూ.100కు పెంచాలని నిర్ణయించుకున్నట్లు తెలిపింది. ప్రభుత్వ సహకార సంఘాల వారికి ఈ ధరకు పాలు అమ్మాలని డైరీ వ్యాపారులను కోరినట్లు స్పష్టం చేసింది.

"మార్చి 1 నుంచి పాల ధరలను పెంచాలని హిసార్​ డైరీ వ్యాపారులను కోరాం. సామాన్యులకు మాత్రం రూ.55-60కే పాలు విక్రయించమని స్పష్టం చేశాం. ప్రభుత్వాన్ని నిద్రలేపేందుకు ఈ చర్య చేపడుతున్నాం. సాగు చట్టాలను రద్దు చేయాల్సింది, ఇంధన ధరలు తగ్గించాల్సింది ప్రభుత్వమే."

-ఫూల్​ కుమార్ పెట్వార్, ఖాప్ పంచాయత్ నాయకుడు.

ఇంధన ధరలు పెరగడం వల్ల రైతులకు కూడా భారీ నష్టం కలుగుతుందని ఖాప్ పంచాయత్ నాయకుడు వ్యాఖ్యానించారు. పెట్రోల్​, డీజిల్​ ధరలు పెరగడాన్ని నిరసిస్తూ చాలా మంది ప్రజలు ఆగ్రహం వ్యక్తం చేస్తున్నారని అన్నారు.

పాల ధరను పెంచిన హిసార్​ ఖాప్ పంచాయత్

ఇదీ చదవండి:న్యాయం కోసం గుండు గీయించుకొని తల్లి నిరసన