పామును పట్టుకుంటుండగా కాటు
Snake Catcher Vava Suresh: విషపూరితమైన పాములు పట్టడంలో దేశవ్యాప్తంగా పేరుగాంచిన కేరళవాసి వావ సురేశ్.. పాటు కాటుకు గురయ్యారు. కొట్టాయంలోని కురిచి ప్రాంతంలో కోబ్రా ఉందన్న సమాచారంతో అక్కడికి వెళ్లాడు సురేశ్. పామును పట్టుకునేందుకు ప్రయత్నించగా.. కోబ్రా అతని మోకాలిపై కాటు వేసింది. వెంటనే సమీపంలోని ప్రైవేటు ఆస్పత్రికి తరలించారు. పరిస్థితి విషమించగా.. కొట్టాయం మెడికల్‌ కళాశాల ఆస్పత్రికి తరలించారు.
సోమవారం సాయంత్రం 4.30 గంటల ప్రాంతంలో జరిగిందీ ఘటన.
ఇప్పటికీ సురేశ్ ఆరోగ్య పరిస్థితి విషమంగానే ఉందని వైద్యులు తెలిపారు. కేరళ మంత్రి వీఎన్ వాసవన్ కూడా దీనిపై స్పందించారు. సురేశ్ను కాపాడేందుకు అన్ని సదుపాయాలు కల్పించినట్లు, వైద్యులు తీవ్రంగా శ్రమిస్తున్నట్లు వెల్లడించారు.