అభిమాన తారలు లేదా క్రీడాకారుల పేర్లను తమకు పుట్టిన పిల్లలకు పెట్టుకుని మురిసిపోతుంటారు కొందరు వ్యక్తులు. ఇలాంటి వల్లమాలిన అభిమానానికి మరో ఉదాహరణగా కేరళకు చెందిన ఓ జంట నిలుస్తోంది. ప్రస్తుతం ఫిఫా ప్రపంచకప్ జరుగుతోన్న సమయంలో తమ చిన్నారికి మెస్సీ అని నామకరణం చేసి తమ అభిమానాన్ని చాటుకుంది ఆ జంట.
భారత్లో పుట్టిన మరో 'మెస్సీ'!.. అభిమానాన్ని చాటుకున్న కేరళ జంట - కొడుక్కి మెస్సీ అని నామకరణం చేసిన జంట
ప్రతిష్ఠాత్మక ఫిఫా ప్రపంచకప్ రసవత్తరంగా సాగుతున్న సమయంలో తమ అభిమానాన్ని చాటుకుంది ఓ జంట. అర్జెంటీనా స్టార్ ప్లేయర్ లియోనల్ మెస్సీ పేరును తమ తనయుడికి పెట్టి ఆ ఆనందాన్ని అభిమానులతో పంచుకుంది.
Kerala couple names newborn 'Messi' during Argentina-Saudi Arabia match
కేరళ తిస్సూర్లోని చాలకుడికిలోని ఓ ఇండోర్ స్టేడియంలో ఫిఫా ప్రపంచ కప్ మ్యాచ్ను ప్రదర్శిస్తున్నారు. అర్జెంటీనాకు సౌదీకి మధ్య జరుగుతున్న హోరా హోరీ మ్యాచ్కు తిలకించేందుకు ఆ స్టేడియానికి వందల సంఖ్యలో అభిమానులు తరలివచ్చారు. సరిగ్గా అదే సమయంలో షానీర్, ఫాతిమా జంట అక్కడి వచ్చి మ్యాచ్ తిలకించారు. ఆ తర్వాత తమ తనయుడికి మెస్సీ అని నామకరణం చేశారు. పెద్దల సమక్షంలో కేక్ కట్ చేసి అందరికి పంచారు.
రెండేళ్ల క్రితం వివాహం చేసుకున్న ఈ జంటకు అర్జెంటీనా టీమ్లోని లియోనల్ మెస్సీ అంటే ఎంతో ఇష్టం. ఆ అభిమానంతోనే తమ పిల్లాడికి ఇదిన్ మెస్సీ అని నామకరణం చేసి సంబరాలు చేసుకున్నామని షానీర్ తెలిపారు. తమ ఫేవరెట్ టీమ్ ఓటమి పాలైనందుకు నిరాశగా ఉన్నా తమ చిన్నారికి మెస్సీ అని పేరు పెట్టడం ఎంతో ఆనందంగా ఉందని చెప్పారు.
Last Updated : Nov 25, 2022, 9:36 AM IST