కేరళలో కరోనా వ్యాప్తి స్థిరంగా కొనసాగుతోంది. కొత్తగా ఆ రాష్ట్రంలో 7,738 మంది.. వైరస్(Kerala Corona Cases) బారిన పడగా.. అనూహ్యంగా ఒక్కరోజే 708 మంది వైరస్ కారణంగా మృతి చెందారు. అయితే.. మరణాల సంఖ్యను ఆ రాష్ట్రం సవరించడం వల్లే.. రోజువారీ మరణాల్లో ఇంతటి పెరుగుదల నమోదైంది. ఫలితంగా కేరళలో మొత్తం మృతుల సంఖ్య 30,685కు పెరిగింది. మొత్తం బాధితుల సంఖ్య 49,37,135కు చేరింది.
మరో 5,460 మంది కోలుకోగా యాక్టివ్ కేసుల సంఖ్య 78,122కు చేరింది. కేరళలో కొత్తగా 76,043 నమూనాలను పరీక్షించారు. ఎర్నాకులం జిల్లాలో అత్యధికంగా 1,298 మందికి కొత్తగా వైరస్ సోకినట్లు తేలింది. తిరువనంతపురంలో 1,089, త్రిస్సూర్లో 836 మందికి వైరస్ నిర్ధరణ అయింది.
దేశ రాజధాని దిల్లీలో 42 కొవిడ్(Delhi Covid Cases Today) కేసులు బయటపడ్డాయి. వైరస్ కారణంగా దిల్లీలో ఎవరూ చనిపోలేదు.