వేరొకర్ని పెళ్లాడుతుందని ఆమెకు నిప్పంటించి.. తానూ మంటల్లో కాలి..

Man Dies Setting Him on Fire: స్నేహితురాల్ని వివాహం చేసుకోవాలనుకున్నాడు. పెద్దలు అంగీకరించలేదు. ఆమె పెళ్లి మరొకరితో కుదిరింది. సహించలేక ఆమెను హత్య చేయాలని పథకం పన్నాడు. కానీ విఫలమై.. తాను నిప్పంటించుకుని మరణించాడో వ్యక్తి. కేరళ, కోజికోడ్ జిల్లాలో ఈ దారుణం జరిగింది.

Man Dies Setting Him on Fire: తన స్నేహితురాలు మరొకర్ని వివాహం చేసుకుంటుందని ఆమెను హత్య చేయాలనుకున్నాడో వ్యక్తి. ఈ క్రమంలో విఫలమై తానూ నిప్పంటించుకుని చనిపోయాడు. ఈ దారుణ ఘటన కేరళ కోజికోడ్​లో జరిగింది. నడపురం గ్రామంలో రత్నేష్​(41) ఎలక్ట్రీషియన్​గా పని చేసేవాడు. తన స్నేహితురాల్ని వివాహం చేసుకోవాలనుకున్నాడు. కానీ అందుకు పెద్దలు ఒప్పుకోలేదు. ఆమె పెళ్లిని మరొకరితో కుదిర్చారు. ఏప్రిల్​లో ఆమె పెళ్లి పీఠలెక్కాల్సి ఉంది. ఇది సహించని రత్నేష్.. స్నేహితురాల్ని హత్య చేయాలనుకున్నాడు. మంగళవారం వేకువజామున 2 గంటల సమయంలో బాధిత మహిళ ఇంటికి వెళ్లాడు. నిచ్చెన సహాయంతో ఆమె ఇంటి రెండో అంతస్తు ఎక్కి, బెడ్​రూమ్​కు నిప్పంటించాడు.

మంటలు గమనించిన ఇంటిపక్క వ్యక్తి అందర్నీ పిలిచాడు. ఆ ఇంటివైపు అందరు పరుగులు పెడుతూ వస్తుండగా.. నిందితుడు కిందికి దిగి తన ఒంటిపై పెట్రోల్ పోసుకుని నిప్పంటించుకున్నాడు. చూస్తుండగానే మంటల్లో కాలిపోయాడు. ఈ ఘటనలో బాధిత మహిళ, ఆమె సోదరుడు, వదిన గాయాలపాలయ్యారు. ఆస్పత్రిలో చికిత్స పొందుతున్నారు. ఈ ఘటనపై కేసు నమోదు చేసిన పోలీసులు.. దర్యాప్తు చేస్తున్నారు.

ఇదీ చదవండి:ఇద్దరు భార్యల ముద్దుల భర్తకు మహాకష్టం.. '50-50 ఫార్ములా'తో పోలీసుల తీర్పు!