లక్షద్వీప్​ రగడ - కేరళ అసెంబ్లీ ఏకగ్రీవ తీర్మానం

లక్షద్వీప్​ పాలనాధికారిని తక్షణమే తొలగించాలంటూ కేరళ అసెంబ్లీ తీర్మానం ప్రవేశపెట్టింది. ఇది ఎకగ్రీవంగా ఆమోదం పొందింది. ఆ ప్రాంత ప్రజల రక్షణను దృష్టిలో పెట్టుకుని కేంద్రం ఈ సమస్యలో వెంటనే జోక్యం చేసుకోవాలని పేర్కొంది.

లక్షద్వీప్​ పాలనాధికారిగా ప్రఫుల్ ఖోడా పటేల్​ను తొలగించాలని డిమాండ్​ చేస్తూ కేరళ అసెంబ్లీ తీర్మానం ప్రవేశపెట్టింది. ప్రఫుల్​ ప్రవేశ పెట్టిన పలు వివాదాస్పద సంస్కరణలను కూడా రద్దు చేయాలని పేర్కొంది. దీనికి ప్రతిపక్షాలు మద్దతు తెలిపాయి. లక్షద్వీప్ ప్రజల జీవితాలు, జీవనోపాధులకు రక్షణ కల్పించే విధంగా కేంద్రం తక్షణం ఈ విషయంలో జోక్యం చేసుకోవాలని పేర్కొంది.

దమణ్, దీవ్​లకు పాలనాధికారిగా ఉన్న ప్రఫుల్​కు లక్షద్వీప్ బాధ్యతలు అప్పగించింది కేంద్రం. ఈయన రాకతో ఇక్కడ సమస్యలు మొదలైనట్టు తెలుస్తోంది. ప్రఫుల్ ప్రవేశపెట్టిన పలు సంస్కరణలు లక్షద్వీప్ వాసుల్లో అసంతృప్తి రగిలించాయని సమాచారం.

ఇదీ చదవండి :ఆయన సరైనోడే.. కానీ పార్టీ..?