కేదార్​నాథ్​, యమునోత్రి ఆలయాలు మూసివేత

శీతాకాలం ప్రారంభమైన నేపథ్యంలో కేదార్​నాథ్​, యమునోత్రి ఆలయాలను(kedarnath temple closed) మూసివేశారు(char dham yatra). వచ్చే ఆరు నెలల పాటు కేదార్​నాథుడికి ఓంకారేశ్వర్​లో పూజలు జరగనున్నాయి. అలాగే.. యమునా దేవిని ఖర్సాలీ గ్రామానికి తరలించారు.

ఉత్తరాఖండ్​లోని పవిత్ర పుణ్యక్షేత్రమైన కేదార్​నాథ్(kedarnath temple closed) ఆలయాన్ని​.. శీతాకాలం ప్రారంభమైన నేపథ్యంలో ఈరోజు మూసివేశారు. వచ్చే ఆరు నెలల పాటు ఈ ఆలయం మూసి ఉంటుందని చార్​ధామ్​ దేవస్థానం నిర్వహణ బోర్డు తెలిపింది. ఉత్తరాఖండ్​లోని యమునోత్రి, గంగోత్రి, కేదార్​నాథ్ (kedarnath temple news)​, బద్రీనాథ్​ ఆలయాలను కలిపి చార్​ధామ్​గా(char dham yatra) పిలుస్తారు.

సంప్రదాయబద్ధంగా ప్రత్యేక పూజలు, కార్యక్రమాల అనంతరం కేదార్​నాథుడి విగ్రహాలను ఓంకారేశ్వర్ ఆలయానికి తరలించారు. ఈ కార్యక్రమానికి పెద్ద సంఖ్యలో భక్తులు, స్థానికులు హాజరయ్యారు.

కేదార్​నాథ్​ ఆలయం వద్ద భక్తులు

యమునోత్రి మూసివేత

సంప్రదాయం ప్రకారం ప్రత్యేక పూజలు నిర్వహించిన తర్వాత మధ్యాహ్నం 12.15 గంటలకు యమునోత్రి ఆలయాన్ని మూసివేశారు. యమునా దేవి, ఆమె సోదరుడు షాని మహరాజ్​, తల్లి భోగ్​మూర్తి ఉత్సవ్​ డోలీలను ఊరేగింపుగా జంకి ఛాటి సమీపంలోని ఖర్సాలీ గ్రామానికి తరలించారు. ఈరోజు సాయంత్రానికి అమ్మవారు అక్కడికి చేరుకుంటారు. బైయా దూజ్​ సందర్భంగా యమునా దేవి సోదరుడు యమరాజ్​ సైతం ​ఖర్సాలీ గ్రామానికి చేరుకుంటాడు. యుమునా నదిలో ఈరోజు స్నానం ఆచరిస్తే అన్నాచెల్లెల్లకు మంచి జరుగుతుందని నమ్ముతారు.

యమునోత్రి ఆలయం మూసివేత

గంగోత్రి మూసివేత..

మరోవైపు.. గంగోత్రి ఆలయాన్ని శుక్రవారం ప్రత్యేక కార్యక్రమాల అనంతరం 11.45 గంటలకే మూసివేశారు. ఆ కార్యక్రమానికి పెద్ద సంఖ్యలో భక్తులు, స్థానికులు హాజరయ్యారు. ఆలయంలోని ఉత్సవ డోలిని(గంగామాత ఉత్సవ విగ్రహం) ముఖ్బాకు తరలించారు. ఆరు నెలల పాటు గంగామాతకు అక్కడే పూజలు జరగనున్నాయి. భాయ్​ దూజ్​ కార్యక్రమంలో ఈరోజు ప్రత్యేక పూజలు నిర్వహించనున్నారు.

ఈ ఏడాదిలో గంగోత్రి ధామ్​కు 32,948 మందికిపైగా భక్తులు వచ్చినట్లు ఉత్తరకాశీ మయుర్​ దిక్సిత్​ జిల్లా పాలనాధికారి తెలిపారు.

కోర్టు తీర్పుతో..

చార్​ధామ్​ యాత్రపై(char dham yatra) ఉన్న నిషేధాన్ని సెప్టెంబర్​ 16న నైనితాల్​ హైకోర్టు ఎత్తివేసిన క్రమంలో సెప్టెంబర్​ 18న యాత్ర ప్రారంభమైంది. పూర్తిస్థాయిలో టీకా తీసుకుని, కొవిడ్​ నెగెటివ్​ రిపోర్ట్​ ఉన్నవారినే అనుమతించారు. అక్టోబర్​ 22 వరకు నాలుగు ఆలయాలను మొత్తం 2 లక్షల మందికిపైగా భక్తులు సందర్శించినట్లు దేవస్థానం బోర్డు తెలిపింది.

నవంబర్​ 20న బద్రినాథ్​ ఆలయం మూసివేయనున్నారు.

ఇదీ చూడండి:కేదార్​నాథ్​లో మోదీ ప్రత్యేక పూజలు- ఆదిశంకరాచార్యుల విగ్రహావిష్కరణ