కశ్మీర్​లో పర్యటకోత్సాహం.. ఏడేళ్లలో లేనంత తాకిడి!

Kashmir tourists: జమ్ము కశ్మీర్లోని ప్రకృతిని ఆస్వాదించేందుకు భారీగా పర్యటకులు తరలివెళ్తున్నారు. నవంబర్​లో ఏకంగా లక్షా 27 వేల మంది లోయను సందర్శించారు. గత ఏడేళ్లలో ఎప్పుడూ లేనంత స్థాయిలో పర్యటకులు కశ్మీర్​ను సందర్శించడం విశేషం.

Kashmir tourists: కశ్మీర్ లోయకు పర్యటకుల తాకిడి పెరుగుతోంది. గత కొద్ది నెలలుగా పెద్ద సంఖ్యలో ప్రజలు కశ్మీర్​ను సందర్శించుకుంటున్నారు. ఒక్క నవంబర్ నెలలోనే లక్షా 27వేల 605 మంది పర్యటకులు లోయ అందాలను ఆస్వాదించారు. కశ్మీర్​ను ఒక నెలలో సందర్శించిన పర్యటకుల సంఖ్య... గత ఏడేళ్ల కాలంలో ఇదే అత్యధికం కావడం విశేషం.

దాల్ సరస్సులో పర్యటకులు

Kashmir tourism news:

ప్రకృతి అందాలను అస్వాదించేందుకు కశ్మీర్ లోయకు ప్రపంచంలోని అనేక దేశాల నుంచి సందర్శకులు వస్తుంటారు. కాలాలతో సంబంధం లేకుండా.. ఇక్కడికి పర్యటకులు వస్తారు. 2017 నవంబర్​లో 1,12,300 మంది సందర్శకులు కశ్మీర్​కు రాగా.. 2018లో 33,720, 2016లో 23,569 మంది, 2015లో 64,778 మంది లోయకు వచ్చారు. 2020లో అతితక్కువగా 6,327 మంది మాత్రమే.. కశ్మీర్​ను సందర్శించారు.

ఫొటోలు దిగుతున్న పర్యటకులు

Winter tourism in kashmir:

శీతాకాలంలో బంగారు వర్ణంలోకి మారిపోతుంది. చినార్ వృక్షాల ఆకులతో లోయలోని అనేక ప్రాంతాలు సుందర దృశ్యాలు ఆవిష్కృతమవుతాయి. ఈ సమయంలో కశ్మీర్​ను చూసేందుకు మొగ్గుచూపుతారు పర్యటకులు. దాల్ సరస్సులో షికార్లు కొట్టేందుకు పెద్ద ఎత్తున తరలివస్తుంటారు. వీటిని దృష్టిలో ఉంచుకొని శీతాకాలంలో ప్రత్యేక ఏర్పాట్లు చేస్తుంటారు అధికారులు. పర్యటకాన్ని ప్రోత్సహించేందుకు శీతాకాలంలో వింటర్ ఫెస్టివల్స్ నిర్వహిస్తుంటారు. దూద్​పత్రి, సోనామార్గ్ వంటి ప్రాంతాలకు అంతర్జాతీయ టూరిస్టులను సైతం అనుమతించడం కూడా ప్రస్తుతం పర్యటకుల సంఖ్య పెరిగేందుకు దోహదం చేసింది.

ఇదీ చదవండి: