Yeddyurappa Movies: సినిమాల్లో నటించి రాజకీయ రంగ ప్రవేశం చేసిన ప్రముఖులు ఎందరో ఉన్నారు. ముఖ్యమంత్రి పదవి చేపట్టి.. సుపరిపాలన అందించి ఇప్పటికీ ప్రజల గుండెల్లో నిలిచిపోయారు. అయితే రాజకీయ నేతలు.. నటులుగా మరాడం అరుదనే చెప్పొచ్చు! ఇప్పుడు ఆ జాబితాలో చేరారు కర్ణాటక మాజీ సీఎం, భాజపా నేత బీఎస్ యడియూరప్ప. ఓ చిత్రంలో సీఎం పాత్రలో కనిపించనున్నారు. వాస్తవ సంఘటన ఆధారంగా రూపొందిస్తున్న ఆ సినిమాకు.. 'తనుజ'గా పేరు ఫిక్స్ చేసింది చిత్రబృందం.
కథేంటంటే..?
యడియూరప్ప సీఎంగా ఉన్న సమయంలో కొవిడ్ కారణంగా నీట్ పరీక్ష హాజరయ్యేందుకు తనుజ అనే విద్యార్థిని ఇబ్బందులు ఎదుర్కొంది. ఆ సమయంలో పాత్రికేయులు విశ్వేశ్వర భట్, ప్రదీప్ ఈశ్వర్.. తనుజ నీట్ పరీక్షకు హాజరయ్యేందుకు సహాయం చేశారు. ఆ పరీక్షల్లో ఆమె ఉత్తీర్ణత సాధించింది. ఆ సంఘటన అప్పట్లో దేశవ్యాప్తంగా అందరి దృష్టిని ఆకర్షించింది. దీని ఆధారంగానే.. సినిమాను తెరకెక్కిస్తున్నారు.
'బియాండ్‌ విజన్స్‌ సినిమాస్‌' బ్యానర్‌పై నిర్మిస్తున్న ఈ చిత్రానికి.. హరీశ్ ఎండీ హళ్లి దర్శకత్వం వహిస్తున్నారు. ఈ సినిమాలో బీఎస్ యడియూరప్ప, జర్నలిస్ట్ విశ్వేశ్వర భట్, డాక్టర్ సుధాకర్, నటి తారా అనురాధ ప్రధాన పాత్రల్లో కనిపించనున్నారు.
ఇదీ చూడండి:సోనూసూద్కు షాక్.. కారు సీజ్.. బయటకు రావద్దని ఈసీ వార్నింగ్
