రేప్ బాధితురాలిపై కానిస్టేబుల్​​ దాష్టీకం.. ఆరు నెలలుగా...

అత్యాచార బాధితురాలన్న కనికరం లేకుండా ప్రవర్తించాడు ఓ పోలీస్​ కానిస్టేబుల్​. దర్యాప్తు పేరుతో తనపై ఆరు నెలలుగా అత్యాచారానికి పాల్పడ్డాడు. ఈ కేసులో సదరు కానిస్టేబుల్​ను పోలీసులు అరెస్టు చేశారు.

పోలీస్ అంటే ఆపదలో ఉన్న ప్రజలకు అండగా నిలబడే వ్యక్తి! కానీ, ఓ వ్యక్తి మాత్రం అలాంటి గౌరవప్రదమైన వృత్తిలో ఉండి కూడా.. కీచక పర్వం సాగించాడు. ఓ అత్యాచార కేసులో బాధితురాలిని లైంగికంగా వేధించాడు. ఆమె గర్భం దాల్చేందుకు కారణమయ్యాడు. ఆఖరుకు కటకటాల పాలయ్యాడు. ఈ ఘటన కర్ణాటకలో(Karnataka News) జరిగింది.

అసలేం జరిగింది?

దక్షిణ కన్నడ జిల్లా(Karnataka Dakshina Kannada News) కడబ పోలీస్​ స్టేషన్​లో కానిస్టేబుల్​గా విధులు నిర్వర్తించే శివరాజ్​.. అత్యాచార కేసులో ఓ బాధితురాలి ఇంటికి తరుచూ దర్యాప్తు కోసం వెళ్లేవాడు. ఈ క్రమంలో ఆమెపై ఆరు నెలలుగా అత్యాచారానికి పాల్పడ్డాడు. అంతేకాక ఆమెతో బలవంతంగా గర్భస్రావం చేసేందుకు యత్నించాడు. దీనిపై బాధితురాలి తండ్రి పోలీసులకు ఫిర్యాదు చేశాడు.

నిందితుడు, కానిస్టేబుల్​ శివరాజ్​

"పెళ్లి చేసుకుంటానని నమ్మించి నా కూతురిని ఆరు నెలలుగా కానిస్టేబుల్ శివరాజ్​​ లైంగికంగా వేధిస్తున్నాడు. ఆమె గర్భం దాల్చడానికి కారణమయ్యాడు. గర్భస్రావం చేయించుకోవాలని నా కూతురిని బలవంతం చేశాడు" అని బాధితురాలి తండ్రి తన ఫిర్యాదులో వాపోయాడు. శివరాజ్​పై పోలీసులు పోక్సో చట్టం సహా ఇతర ఐపీసీ సెక్షన్ల కింద కేసు నమోదు చేశారు. అతడ్ని ఆరెస్టు చేశారు.

ఇదీ చూడండి:కూల్​డ్రింక్​లో మత్తుమందు కలిపి.. బాలికపై బాబాయి అత్యాచారం...!

ఇదీ చూడండి:పొలంలో చిన్నారి మృతదేహం- గ్రామస్థుల ఆందోళన