28న కాంగ్రెస్‌లోకి కన్నయ్య, జిగ్నేష్‌ మేవాని!

సీపీఐ నేత, దిల్లీ జేఎన్​యూ విద్యార్థి సంఘం మాజీ అధ్యక్షుడు కన్నయ్య కుమార్(Kanhaiya kumar congress)​, గుజరాత్​కు చెందిన దళిత నేత జిగ్నేష్​ మేవాని​(Jignesh Mevani Congress) కాంగ్రెస్​ తీర్థం పుచ్చుకోనున్నారు. ఈ నెల 28న వీరిద్దరూ ఆ పార్టీలో చేరనున్నట్లు తెలుస్తోంది.

యువ నాయకులు కన్నయ్య కుమార్‌(బిహార్​)(Kanhaiya kumar congress), జిగ్నేష్‌ మేవాని (గుజరాత్‌)(Jignesh Mevani Congress) త్వరలో కాంగ్రెస్‌లో చేరనున్నట్లు ఆ పార్టీ వర్గాలు వెల్లడించాయి. దిల్లీలోని జవహర్‌లాల్‌ నెహ్రూ విశ్వవిద్యాలయ విద్యార్థి సంఘ అధ్యక్షునిగా పనిచేసిన కన్నయ్య కుమార్‌ గత లోక్‌సభ ఎన్నికల ముందు సీపీఐలో చేరారు. బిహార్‌లోని బెగుసరాయి నుంచి పోటీ చేసి ఓడిపోయారు.

దిల్లీలో ఈ నెల 28న కన్నయ్య కుమార్(Kanhaiya kumar congress)​ కాంగ్రెస్​లో చేరే అవకాశం ఉంది. మేవాని(Jignesh Mevani Congress) అదే రోజున కాంగ్రెస్‌ తీర్థం పుచ్చుకోనున్నారు. ప్రస్తుతం ఆయన గుజరాత్‌లోని వడ్‌గాం ఎమ్మెల్యేగా ఉన్నారు. రాష్ట్రీయ దళిత్‌ అధికార్‌ మంచ్‌ కన్వీనర్‌గా వ్యవహరిస్తున్నారు. ఇటీవల పంజాబ్​ ముఖ్యమంత్రిగా దళిత నాయకుడు చరణ్ జీత్ సింగ్ చన్నీని కాంగ్రెస్ నియమించిన నేపథ్యంలో.. ఇప్పుడు జిగ్నేష్​ చేరిక కూడా ప్రాధాన్యం సంతరించుకుంది.

ఇవీ చూడండి: