'కోయంబత్తూర్​ సౌత్' నుంచి​ కమల్​ పోటీ

తమిళనాడు అసెంబ్లీ ఎన్నికలకు అభ్యర్థులను ప్రకటించింది మక్కల్ నీది మయ్యం(ఎంఎన్​ఎం). ఆ పార్టీ అధ్యక్షుడు కమల్​ హాసన్​ కోయంబత్తూర్​ సౌత్ నియోజకవర్గం​ నుంచి బరిలోకి దిగనున్నారు.

ఏప్రిల్​లో జరగనున్న అసెంబ్లీ ఎన్నికలకు కమల్ హాసన్​ నేతృత్వంలోని మక్కల్ నీది మయ్యం(ఎంఎన్​ఎం) అభ్యర్థులను ప్రకటించింది. పార్టీ అధ్యక్షుడు కమల్.. కోయంబత్తూర్ సౌత్​ నియోజకవర్గం నుంచి బరిలోకి దిగనున్నారు. కోయంబత్తూర్​లో అవినీతి పరాకాష్టకు చేరిందని గతంలోనే ఆరోపించారు కమల్​. ఇప్పుడు పోటీకి ఆ స్థానాన్నే ఎంచుకున్నారు.

తమిళనాడు అసెంబ్లీ ఎన్నికల్లో ఆల్​ ఇండియా సమథువ మక్కల్​ కట్చి(ఏఐఎస్​ఎంకే), ఇండియా జననాయగ కట్చి(ఐజేకే)తో కలసి కూటమిగా పోటీ చేస్తోంది కమల్ పార్టీ. 234 స్థానాలకు గానూ 154 చోట్ల అభ్యర్థులను బరిలోకి దింపుతోంది. మిగతా 80 స్థానాల్లో మిత్ర పక్షాలకు చెరో 40 సీట్లు కేటాయించింది.

ఇదీ చూడండి:173 మందితో డీఎంకే జాబితా- బరిలో ఉదయనిధి స్టాలిన్​