'మా పార్టీ మేనిఫెస్టోను డీఏంకే కాపీ కొట్టింది'

డీఎంకే తమ పార్టీ మేనిఫెస్టోను కాపీ కొట్టిందని మక్కల్​ నీది మయ్యమ్ అధినేత కమల్​ హాసన్ ఆరోపించారు. ఈ విషయాన్ని డీఎంకే అంగీకరించాలని డిమాండ్​ చేశారు. ఒకవేళ మరిన్ని అంశాలను కాపీ కొట్టాలి అనుకుంటే తమ వద్ద అందుకు తగిన ప్రణాళికలు ఉన్నాయని వ్యాఖ్యానించారు.

డీఎంకే వైఖరిపై మక్కల్​ నీది మయ్యమ్​ అధినేత కమల్​ హాసన్ మండిపడ్డారు. తమ పార్టీ మేనిఫెస్టోలోని అంశాలను డీఎంకే కాపీ కొట్టిందన్నది కేవలం ఆరోపణలే కాదని.. అవి నిజాలు కూడా అని వ్యాఖ్యానించారు. ఈ విషయాన్ని డీఎంకే అంగీకరించాలని పేర్కొన్నారు. 'ఒకవేళ వారు మరిన్ని అంశాలను కాపీ కొట్టాలనుకుంటే మా వద్ద అందుకు తగిన ప్రణాళికలు ఉన్నాయి' అని పేర్కొన్నారు.

అయితే మేనిఫెస్టోలోని అంశాలు ప్రజలకు అవసరమని.. అధికారంలోకి ఎవరొచ్చినా వీటిని అమలు చేయాలన్నారు కమల్​.

అసలేం జరిగింది ?

గతేడాది ఫిబ్రవరిలో.. 'రీ ఇమేజింగ్ తమిళనాడు' పేరుతో గృహిణుల కోసం చేపట్టే చర్యలను మక్కల్​ నీది మయ్యమ్ ప్రకటించింది. ఇటీవల డీఎంకే ప్రకటించిన మేనిఫెస్టోలో ఇదే అంశాన్ని పేర్కొనడం వివాదానికి దారితీసింది.

ఇదీ చదవండి :చైనాకు చెక్ పెట్టేలా భారత సైన్యం 'విన్యాసాలు'!