స్టార్​ నటుడి కుమారుడికి చేదు అనుభవం.. హోటల్​ బిల్లు కట్టలేదని..

స్టార్​ నటుడు జయరామ్​ తనయుడు కాళిదాస్​ జయరామ్​కు(kalidas jayaram news) చేదు అనుభవం ఎదురైంది. ఓ వెబ్​ సిరీస్​ షూటింగ్​ కోసం మున్నార్​ వెళ్లిన కాళిదాస్​ను హోటల్​ సిబ్బంది బంధించారు(kalidas jayaram hotel). హోటల్​ బిల్లు కట్టలేదని, అందుకే వెబ్​ సిరీస్​ బృందాన్ని బంధించినట్టు హోటల్​ యాజమాన్యం తెలిపింది.

కేరళ మున్నార్​లో తమిళ వెబ్​ సిరీస్​ కోసం షూటింగ్​ చేస్తున్న.. ప్రముఖ నటుడు జయరామ్​ తనయుడు కాళిదాస్​ జయరామ్​కు​(kalidas jayaram hotel) చేదు అనుభవం ఎదురైంది(kalidas jayaram news). హోటల్​ బిల్లు కట్టలేదని కాళిదాస్​ను, వెబ్​ సిరీస్​ బృందాన్ని హోటల్​ సిబ్బంది అక్కడే బంధించారు.

హోటల్​ గది రెంట్​, రెస్టారెంట్​ బిల్లులు.. రూ. లక్షకుపైగా అయ్యాయని, నిర్మాణ సంస్థ తమకు డబ్బులివ్వలేదని హోటల్​ సిబ్బంది వెల్లడించారు. అందుకే షూటింగ్​ కోసం వచ్చిన బృందాన్ని బంధించినట్టు తెలిపారు.

జయరామ్​- కాళిదాస్​ జయరామ్​

ఈ విషయం తెలుసుకున్న మున్నార్​ పోలీసులు.. హోటల్​ సిబ్బంది, నిర్మాణ బృందంతో చర్చలు జరిపారు. ఆ తర్వాత హోటల్​కు డబ్బులు చెల్లించారు. దీంతో సమస్య పరిష్కారమైంది.

జయరామ్​ అనేక చిత్రాల్లో నటించి అభిమానులను మెప్పించారు. తెలుగులో అల్లు అర్జున్​ చేసిన అలవైకుంఠపుములో ఆయన నటించారు.

కాళిదాస్​ జయరామ్​

జోజు జోసెఫ్​కు...

కేరళలో స్టార్​ నటుడు జోజు జోసెఫ్​కు కూడా ఇటీవలే చేదు అనుభవం ఎదురైంది. రోజురోజుకు పెరుగుతున్న ఇంధన ధరలకు వ్యతిరేకంగా కేరళలోని ఎర్నాకుళంలో కాంగ్రెస్​ కార్యకర్తలు ఇటీవలే నిరసన చేపట్టారు. ఫలితంగా ఆ ప్రాంతంలో 6 కిలోమీటర్ల మేర ట్రాఫిక్​ నిలిచిపోయింది. నటుడు జోజు జార్జ్​.. ట్రాఫిక్​లో రెండు గంటల పాటు చిక్కుకున్నారు. దీంతో సహనం కోల్పోయిన ఆయన కారు దిగి కాంగ్రెస్​ శ్రేణులతో వాగ్వాదానికి దిగారు. సాధారణ పౌరులకు కష్టాలు తెచ్చిపెట్టే విధంగా నిరసనలు తెలపడం తగదని వారించారు. దీంతో ఆగ్రహానికి గురైన కాంగ్రెస్​ కార్యకర్తలు.. జోజు కారు అద్దాన్ని పగలగొట్టారు.

'ఇంధన ధరలు పెంపు అనేది చాలా పెద్ద విషయం. అందరూ ఇబ్బంది పడుతున్నారు. ఈ అంశంపై నిరసన తెలపాలి. కానీ ఈ విధంగా కాదు. ప్రజలకు కష్టమవుతోంది. ఆసుపత్రికి వెళ్లాల్సిన వారు ట్రాఫిక్​ జామ్​లో ఇరుక్కుపోయారు,' అని జోజు భావోద్వేగంతో మీడియా ముందు మాట్లాడారు.

ఈ ఘటనలో కాంగ్రెస్​ వాదన మరో విధంగా ఉంది. జోజు మద్యం సేవించి మహిళా కార్యకర్తలతో దురుసగా మాట్లాడారని ఆరోపించింది. కాంగ్రెస్​ రాష్ట్ర అధ్యక్షుడు సుధాకరన్​ సైతం జోజుపై మండిపడ్డారు. మద్యం సేవించి 'గూండా'లా ప్రవర్తించారన్నారు. జోజుపై చర్యలు చేపట్టాలని డిమాండ్​ చేశారు.

ఘటన జరిగిన కొద్దిసేపటికి త్రిపునితుర ప్రాంతంలోని ఓ ఆసుపత్రికి వెళ్లిన జోజు వైద్య పరీక్షలు చేయించుకున్నారు. అందులో ఆయన మద్యం సేవించలేదని తేలింది. తాను గొడవలు కోరుకోవడం లేదని, ఈ వ్యవహారాన్ని ఇక్కడితో ముగించాలని జోజు కోరారు. అయితే ఈ విధంగా నిరసనలు తెలపడం సరికాదని పేర్కొన్నారు.

ఇవీ చూడండి:-