ఉత్తర్ప్రదేశ్ ఝాన్సీలో 19 ఏళ్ల ఓ యువకుడు ఆర్థిక ఇబ్బందులతో ఆత్మహత్య చేసుకున్నాడు. సమాచారం అందుకున్న పోలీసులు మృతదేహాన్ని స్వాధీనం చేసుకొని పోస్టుమార్టానికి తరలించారు. అనంతరం.. అతడి సోదరీమణులకు అప్పగించారు. వారే అంత్యక్రియలు నిర్వహించారు. అయితే.. తన సోదరుడి మరణానికి విద్యుత్ శాఖనే కారణమని మృతుడి సోదరి రోషిణి ఆరోపించారు. తమకు ఆర్థిక సాయం చేస్తామని చెప్పి.. ఆ తర్వాత నిర్లక్ష్యంగా వ్యవహరించిందని చెప్పుకొచ్చారు.
ఇదీ జరిగింది:పవర్హౌస్ కాలనీకి చెందిన షానీ.. తన ఇద్దరు సోదరీమణులతో కలిసి ఉంటున్నాడు. ఉత్తర్ప్రదేశ్ విద్యుత్ శాఖలో పనిచేసే వీరి తండ్రి భరత్ బహదూర్ ఆరేళ్ల క్రితం చనిపోయాడు. కొద్దిరోజులకే తల్లి కూడా ప్రాణాలు కోల్పోయింది. అనాథల కష్టాలు చూసి.. అండగా ఉంటామని, ఉద్యోగాలు ఇప్పిస్తామని విద్యుత్ శాఖ భరోసా ఇచ్చింది. అయితే.. వారు అధికారుల చుట్టూ ఎన్నిసార్లు తిరిగినా ప్రయోజనం లేకపోయింది. ఈ క్రమంలోనే ఆర్థిక కష్టాలు ఎక్కువై.. తన సోదరుడు ఆత్మహత్య చేసుకున్నాడని రోషిణి చెప్పారు. సకాలంలో తమలో ఎవరికైనా ఉద్యోగం ఇచ్చి ఉంటే, షానీ ప్రాణాలు దక్కేవని ఆవేదన వ్యక్తం చేశారు.