పాకిస్థాన్ ఉగ్రసంస్థ జైషే మహ్మద్ దేశ రాజధాని దిల్లీలో దాడులు జరిపేందుకు యత్నిస్తున్నట్లు సమాచారం అందిందని జమ్ముకశ్మీర్ డీజీపీ దిల్బాగ్ సింగ్ అన్నారు. ఇటీవలే ఓ జైషే ఉగ్రవాది నుంచి స్వాధీనం చేసుకున్న వీడియోలో... డోభాల్ ఆఫీసు వద్ద ఉగ్రవాదులు రెక్కీ నిర్వహించినట్లు తేలింది. ఈ నేపథ్యంలో ఉగ్రవాదులు దిల్లీలోని పలు ప్రాంతాల్లోనూ దాడులకు యత్నిస్తున్నట్లు తెలిసిందని సింగ్ పేర్కొన్నారు.
"కశ్మీర్లోని కొందరు ఉగ్రవాదులు.. బిహార్ నుంచి ఆయుధాలు సమకూర్చుకుంటున్నారు. ఆయుధాల రవాణా కోసం పంజాబ్లో చదువుకుంటున్న కశ్మీరీ విద్యార్థులను వినియోగించుకుంటున్నారు"