మెహబూబా ముఫ్తీకి పాస్​పోర్ట్​ నిరాకరణ

జమ్ముకశ్మీర్​ మాజీ ముఖ్యమంత్రి మెహబూబా ముఫ్తీ పాస్​పోర్ట్ దరఖాస్తు తిరస్కరణకు గురైంది. సీఐడీ పోలీసులు సూచించడం వల్లే ముఫ్తీకి పాస్​పోర్ట్ మంజూరు చేయలేకపోతున్నామని ప్రాంతీయ కార్యాలయం తెలిపింది.

పాస్​పోర్ట్ కోసం జమ్ముకశ్మీర్‌ మాజీ ముఖ్యమంత్రి మెహబూబా ముఫ్తీ చేసుకున్న దరఖాస్తు తిరస్కరణకు గురైంది. పాస్​పోర్ట్ మంజూరు చేయకూడదని తనిఖీలు జరిపిన సీఐడీ పోలీసులు సూచించడం వల్లే ఇవ్వలేకపోతున్నామంటూ ప్రాంతీయ పాస్​పోర్ట్ కార్యాలయం నుంచి ఈ నెల 26న ఆమెకు లేఖ వచ్చింది. అయితే విదేశీ వ్యవహారాల శాఖ ఉన్నతాధికారుల వద్ద ఈ విషయమై అపీలు చేసుకోవచ్చని అందులో సూచించింది.

తనకు పాస్​పోర్ట్ ఇస్తే ప్రమాదకరమని సీఐడీ నివేదిక ఇచ్చినందువల్లనే అధికారులు మంజూరు చేయలేదని మెహబూబా చెప్పారు. మరోవైపు పాస్​పోర్ట్ ఇప్పించాలని కోరుతూ ఆమె దాఖలు చేసిన వ్యాజ్యాన్ని సోమవారం హైకోర్టు కొట్టివేసింది. ఇలాంటి వ్యవహారాల్లో కోర్టులు జోక్యం చేసుకోలేవని తెలిపింది.

ఇదీ చూడండి:'ప్రభుత్వాన్ని ప్రశ్నించడం నేరమా?'