జమ్ముకశ్మీర్లోని అనంతనాగ్ జిల్లా యంత్రాంగం కీలక నిర్ణయం తీసుకుంది. ఆ ప్రాంతంలోని అన్ని ప్రభుత్వ భవనాలు, కార్యాలయాలపై జాతీయ జెండా ఎగుర వేయాలని డిప్యూటీ కమిషనర్(డీసీ) ఆదేశించారు. ఈ మేరకు 15 రోజుల గడువు విధిస్తూ.. ఉత్తర్వులు జారీచేశారు. ఈ నిర్ణయం అన్ని జిల్లాలకు ప్రేరణగా నిలుస్తుందని ఆశాభావం వ్యక్తం చేశారు.
ఇదీ చూడండి:సీఆర్పీఎఫ్ జవాన్లపై గ్రనేడ్ దాడి
మువ్వన్నెల జెండాను ఆవిష్కరించేందుకు సంబంధించిన చట్టాలపై ప్రజలకు, ప్రభుత్వ సంస్థలకు అవగాహన కల్పించేందుకు.. 2002లో కేంద్ర ప్రభుత్వం 'ఫ్లాగ్ కోడ్ ఆఫ్ ఇండియా'ను తీసుకొచ్చినట్లు డీసీ పేర్కొన్నారు.
పతాక ఆవిష్కరణకు సంబంధించి రోజువారీ నివేదిక సమర్పించాలని తన ఉత్తర్వుల్లో స్పష్టం చేశారు డీసీ. ప్రొఫార్మా ప్రకారం.. జిల్లా పేరు, అధికారిక భవనాల సంఖ్య, ఆ తేదీ నాటికి ఎగురవేసిన జెండాలు, ఎంత శాతం పని పూర్తయింది? లాంటి విషయాలను నిర్దేశించిన ఫార్మాట్లో నివేదించాలని వివరించారు.