ITBP Jawan Died: జమ్ముకశ్మీర్లోని ఉధంపుర్ జిల్లాలో ఓ ఐటీబీపీ జవాన్.. తన ముగ్గురు సహోద్యోగులపై కాల్పులు జరిపాడు. ఆ తర్వాత అతడు కూడా కాల్చుకుని అక్కడిక్కడే ప్రాణాలు విడిచాడు. జిల్లాలోని దేవిక ఘాట్ కమ్యూనిటీ సెంటర్ వద్ద శనివారం మధ్యాహ్నం 3.30 గంటల ప్రాంతంలో ఈ ఘటన జరిగింది. సమాచారం అందుకుని ఘటనా స్థలానికి చేరుకున్న అధికారులు జవాన్ మృతదేహాన్ని పోస్టుమార్టం నిమిత్తం ఆసుపత్రికి తరలించారు.
వారికి చికిత్స...
మృతి చెందిన జవాన్ను.. భూపేంద్ర సింగ్గా అధికారులు గుర్తించారు. అతడు కాల్పులు జరిపిన ఇద్దరు జవాన్లను ఆసుపత్రికి తరలించామని, వారికి ప్రాణాపాయం లేదని చెప్పారు. భూపేంద్ర సింగ్ 8వ బెటాలియన్కు చెందినవాడని వివరించారు. ప్రస్తుతం అతడు జమ్ముకశ్మీర్లోని తాత్కాలిక బెటాలియన్లో విధులు నిర్వర్తిస్తున్నాడని చెప్పారు. ఘటనపై విచారణ జరుపుతున్నామన్నారు.