నెమలి పురివిప్పగా.. మనసు పులకరించగా!

నెమలి తన ఈకలను విరబోసిన వీడియో ఇంటర్నెట్​లో చక్కర్లు కొడుతోంది. 23 సెకన్లు ఉన్న ఈ వీడియో ఇంటర్నెట్​ మదిని దోచుకుంటోంది. ప్రకృతిలో అందమైన దృశ్యం అంటూ నెటిజన్లు కామెంట్లు చేస్తున్నారు. ఆ వీడియోను మీరూ చూసేయండి.

నెటిజన్లను మంత్రముగ్ధుల్ని చేసే అద్భుతమైన వీడియో ట్విట్టర్​లో వైరల్ అవుతోంది. అందమైన ఓ నెమలి పురివిప్పి ఆడుతూ సోయగాలు ఒలకబోసింది. తన సహచర నెమలిని ఆకట్టుకునేందుకు తన ఈకలను విరబోసింది.

యూకేకు చెందిన ఓ ఛారిటీ సంస్థ తొలుత దీన్ని అప్​లోడ్ చేసింది. దీన్ని ఇండియన్ ఫారెస్ట్ సర్వీస్(ఐఎఫ్ఎస్) అధికారి సుధా రామెన్ షేర్ చేశారు. 23 సెకన్లు ఉన్న ఈ వీడియో ఇంటర్నెట్​ మదిని దోచుకుంటోంది.

ప్రకృతిలో అందమైన దృశ్యం అంటూ నెటిజన్లు కామెంట్లు చేస్తున్నారు. నెమలిలా జీవితాన్ని ఆస్వాదించాలని ఓ యూజర్ పేర్కొన్నారు. ఈ వీడియో తనను కట్టిపడేసిందని, అత్యంత అద్భుతంగా ఉందని మరొకరు చెప్పుకొచ్చారు.

ఇదీ చదవండి-Viral​: ఆకు లోపల పక్షి గూడు