Indigo Flight Diverted: షార్జా నుంచి హైదరాబాద్ వస్తున్న ఇండిగో ఎయిర్లైన్స్కు చెందిన విమానం పాకిస్థాన్లోని కరాచీ ఎయిర్పోర్ట్లో ల్యాండ్ అయింది. సాంకేతిక లోపాన్ని ముందే గుర్తించి అప్రమత్తమైన పైలట్.. విమానాన్ని సమీపంలోని కరాచీకి మళ్లించినట్లు ఎయిర్లైన్స్ ఓ ప్రకటనలో తెలిపింది. ప్రయాణికుల్ని హైదరాబాద్ రప్పించేందుకు భారత్ నుంచి పంపిన మరో విమానం కరాచీ చేరుకున్నట్లు అధికార వర్గాలు వెల్లడించాయి. విమానంలో మొత్తం 125 మందిని సురక్షితంగా హైదరాబాద్ చేర్చనున్నట్లు పేర్కొంది.
హడావుడిగా పాక్లో ల్యాండైన భారత విమానం.. హైదరాబాద్కు వస్తుండగా!
IndiGo Sharjah-Hyderabad flight diverted to Paks Karachi
08:51 July 17
హడావుడిగా పాక్లో ల్యాండైన భారత విమానం.. హైదరాబాద్కు వస్తుండగా!
రెండు వారాల క్రితమే కరాచీలో.. భారత ఎయిర్లైన్స్కు చెందిన విమానం ఆకస్మికంగా కరాచీలో ల్యాండ్ అవడం.. 2 వారాల వ్యవధిలో రెండో ఘటన కావడం గమనార్హం. దిల్లీ నుంచి దుబాయ్ వెళ్తున్న స్పైస్జెట్ విమానాన్ని కూడా జులై 5న హడావుడిగా పాక్లోని కరాచీకి మళ్లించాల్సి వచ్చింది. అప్పుడు ఫ్యూయల్ ఇండికేటర్ సరిగా పనిచేయలేదు. ఆ ఎస్జీ-11 విమానంలో మొత్తం 150 మంది ప్రయాణికులు ఉన్నారు. స్పైస్జెట్ విమానంలోని ప్రయాణికులు కరాచీ నుంచి దుబాయి వెళ్లేందుకు వీలుగా మరో ఫ్లైట్ను భారత్ నుంచి పంపారు. అప్పటివరకు ప్రయాణికులు ఎవరూ ఇబ్బంది పడకుండా వారికి అవసరమైన ఏర్పాట్లు చేశారు
72 గంటల్లో నాలుగు విమానాలు.. గత 72 గంటల్లో నాలుగు విమానాలు ఎమర్జెన్సీ లాండ్ అయ్యాయి. శనివారం షార్జా నుంచి కొచ్చికి బయలుదేరిన జీ9-426 విమానంలో హైడ్రాలిక్ సమస్య తలెత్తి.. మొదలైన కాసేపటికే రన్వేపైన పైలట్లు నిలిపివేశారు. జులై 15న అడిస్ అబాబా నుంచి బ్యాంకాక్కు బయలుదేరిన ఎయిర్లైన్స్ విమానం పలు కారణాలు వల్ల కోల్కతా విమానాశ్రయానికి మళ్లించారు అధికారులు. అదే రోజు, శ్రీలంక ఎయిర్లైన్స్కు చెందిన ఓ విమానాన్ని చెన్నై ఎయిర్పోర్ట్లో ఎమర్జెన్సీ ల్యాండింగ్ చేశారు. తాజాగా ఆదివారం.. షార్జా నుంచి హైదరాబాద్ వస్తున్న ఇండిగో ఎయిర్లైన్స్కు చెందిన విమానం పాకిస్థాన్లోని కరాచీ ఎయిర్పోర్ట్లో ల్యాండ్ అయింది.
విచారణకు డీజీసీఐకు ఆదేశం..ప్రయాణికులతో బయలుదేరిన పలు అంతర్జాతీయ విమానయాన సంస్థలకు చెందిన విమానాలు.. ఇటీవల తరచుగా అత్యవసరంగా ల్యాండ్ అవుతున్నాయి. వివిధ సాంకేతిక సమస్యలు కారణంగా ల్యాండ్ చేయాల్సి వస్తుందని అధికారులు చెబుతున్నారు. అయితే ఈ ఘటనలపై డైరెక్టరేట్ జనరల్ ఆఫ్ సివిల్ ఏవియేషన్ (డీజీసీఐ) విచారణకు ఆదేశించింది.
ఇవీ చూడండి:స్పైస్జెట్ విమానం ఎమర్జెన్సీ ల్యాండింగ్! ఒకే రోజులో రెండు..17 రోజుల్లో ఏడు
Last Updated : Jul 17, 2022, 3:32 PM IST