Indian Overseas Bank Notification 2023 :బ్యాంకు ఉద్యోగం సాధించాలనుకునే వారికి శుభవార్త. ప్రముఖ ప్రభుత్వ రంగ బ్యాంకు ఇండియన్ ఓవర్సీస్‌ బ్యాంకు (IOB)లో స్పెషలిస్ట్‌ ఆఫీసర్‌ ఉద్యోగాల భర్తీకి నోటిఫికేషన్ విడుదలైంది. చెన్నై ప్రధాన కేంద్రంగా దేశవ్యాప్తంగా సేవలందిస్తున్న ఈ బ్యాంకులో వివిధ విభాగాల్లో ఖాళీగా ఉన్న పలు పోస్టులను భర్తీ చేసేందుకు అర్హుల నుంచి దరఖాస్తులను స్వీకరిస్తోంది ఐఓబీ. ఆసక్తి గల అభ్యర్థులు ఆన్లైన్లో దరఖాస్తు చేసుకోవచ్చు.
ఈ పోస్టులు..
IOB Job Vacancy 2023 :66 స్పెషలిస్ట్‌ ఆఫీసర్‌ ఉద్యోగాలు
విద్యార్హతలు..
IOB Jobs Qualification :ఏదైనా డిగ్రీ, లా, బీఈ, బీటెక్‌, ఎంటెక్‌, బీఆర్క్‌, సీఏ, ఎంసీఎ, ఎమ్మెస్సీ, ఎంబీఏ, పీజీడీబీఎం, సీబీసీఏ, సీఏలో ఉత్తీర్ణత సాధించిన అభ్యర్థులు పై పోస్టులకు దరఖాస్తు చేసుకోవచ్చు.
అనుభవం..
IOB Jobs Experience :సంబంధిత విభాగాల్లో కొంత కాలం పాటు పనిచేసిన అనుభవం తప్పనిసరిగా ఉండాలి.
వయో పరిమితి(IOB Jobs Age Limit)..
- ఉద్యోగానికి దరఖాస్తు చేసుకునే అభ్యర్థుల వయస్సు 25 నుంచి 40 ఏళ్ల లోపు ఉండాలి.
- ప్రభుత్వ నిబంధనల ప్రకారం సంబంధిత వర్గాల అభ్యర్థులకు వయో పరిమితి సడలింపులు వర్తిస్తాయి.
వేతనం(IOB Jobs Salary)..
- పోస్టులను అనుసరించి కనిష్ఠంగా రూ.48,000 నుంచి గరిష్ఠంగా రూ.89,000 వరకు ప్రతినెలా జీతం చెల్లిస్తారు.
- ఉద్యోగంలో చేరిన రోజు నుంచి రెండేళ్ల పాటు ప్రొబేషన్‌ పీరియడ్ ఉంటుంది.
దరఖాస్తు రుసుము(IOB Jobs Application Fees)..
- ఎస్సీ, ఎస్టీ, దివ్యాంగులు ఇంటిమేషన్‌ ఛార్జీల కింద రూ.175 చెల్లించాల్సి ఉంటుంది.
- ఓబీసీ, ఈడబ్ల్యూఎస్‌, ఇతర కేటగిరీలకు చెందిన అభ్యర్థులు రూ.850 అప్లికేషన్ ఫీజుగా చెల్లించాలి.