Indian Airforce Recruitment 2023 : అగ్ని వీరులకు వాయుసేన ఆహ్వానం.. 3500కు పైగా పోస్టుల భర్తీ!

Agniveer Vayu vacancy 2023 : భారత వాయుసేనలో సేవలు అందించాలని ఆశించే అభ్యర్థులకు గుడ్​న్యూస్​. అగ్నిపథ్​ పథకంలో అగ్నివీర్​వాయు పోస్టుల భర్తీకి ఇండియన్​ ఎయిర్​ఫోర్స్​ నోటిఫికేషన్​ విడుదల చేసింది. విద్యార్హతలు, శారీరక ప్రమాణాలు, పరీక్ష విధానం తదితర పూర్తి వివరాలు మీ కోసం.

Indian Air Force Agniveer Jobs 2023 : భారత వాయు సేన ఏడాదికి రెండు సార్లు అగ్నివీర్​వాయు పోస్టులకు ప్రకటన విడుదల చేస్తోంది. తాజాగా 3500కు పైగా అగ్నివీర్​ పోస్టుల భర్తీకి నోటిఫికేషన్​ విడుదల చేసింది. ఈ సారి అగ్నివీర్​వాయులో సైన్స్​, నాన్​-సైన్స్​ విభాగాల్లో పోస్టులు ఉన్నాయి. సైన్స్​ విభాగంలోని పోస్టులకు దరఖాస్తు చేసుకున్నవారు, నాన్​ సైన్స్​ పోస్టులకు కూడా పోటీపడవచ్చు. ఇందుకోసం ప్రత్యేక పరీక్ష కూడా నిర్వహిస్తారు. ఆసక్తి గల అభ్యర్థులు https://agnipathvayu.cdac.in/AV/ వెబ్​సైట్​లో దరఖాస్తు చేసుకోవాలి.

విద్యార్హతలు
Agniveer Airforce Qualification : వాయుసేన అగ్నివీర్​వాయు పోస్టులకు.. ఇంటర్మీడియట్​ విద్యార్హతతో దరఖాస్తు చేసుకోవచ్చు. మహిళలు కూడా ఈ పోస్టులకు అర్హులే.

• సైన్స్ విభాగం :ఇంటర్​లో మ్యాథ్స్, ఫిజిక్స్​, ఇంగ్లీష్​ సబ్జెక్టుల్లో 50% మార్కులతో ఉత్తీర్ణత సాధించాలి. లేదా నిర్దేశిత డిప్లొమా కోర్సుల్లో 50 శాతం మార్కులతో పాస్​ అయ్యుండాలి. లేదా ఫిజిక్స్​, మ్యాథ్స్​ సబ్జెక్టులతో రెండేళ్ల ఒకేషనల్​ కోర్సు 50 శాతం మార్కులతో ఉత్తీర్ణత సాధించి ఉండాలి.
• నాన్​ సైన్స్​ విభాగం : ఇంటర్​లో ఏదైనా నాన్​-సైన్స్ గ్రూప్​లో 50 శాతం మార్కులతో ఉత్తీర్ణత పొంది ఉండాలి. లేదా రెండేళ్ల ఒకేషనల్​ కోర్సులో 50 శాతం మార్కులతో పాస్​ అయ్యుండాలి.
• నోట్​ : అభ్యర్థులు ఏ విద్యార్హతతో దరఖాస్తు చేసుకున్నప్పటికీ 10వ తరగతి/ఇంటర్​/డిప్లొమా/ఒకేషనల్..​ ఎందులోనైనా ఇంగ్లీష్​లో 50% మార్కులు సాధించి ఉండాలి.

వయోపరిమితి
Agniveer Airforce Age Limit : అభ్యర్థులు 2003 జూన్​ 27 నుంచి 2006 డిసెంబర్​ 27 మధ్య జన్మించి ఉండాలి.

పరీక్ష ఫీజు
Agniveer Fees Payment : అభ్యర్థులు దరఖాస్తు రుసుముగా రూ.250 చెల్లించాల్సి ఉంటుంది.

ఎంపిక విధానం
Agniveer Selection Process 2023 : అభ్యర్థులకు రాతపరీక్ష, ఫిజికల్, మెడికల్​ టెస్టులు చేసి, అందులో ఉత్తీర్ణత సాధించినవారిని పోస్టులకు ఎంపిక చేస్తారు.

శారీరక ప్రమాణాలు
Agniveer Physical Eligibility : పురుషులు 152.5 సెం.మీ ఎత్తు కలిగి ఉండాలి. మహిళలు 152 సెం.మీ ఎత్తు ఉండాలి. అలాగే ఎత్తుకు తగ్గ బరువు తప్పనిసరి. ఊపిరి పీల్చినప్పుడు, వదిలినప్పుడు ఛాతీ 5 సెం.మీ వరకు వ్యత్యాసం చూపించాలి.

ప్రోత్సాహకాలు
Agniveer Salary List : అగ్నివీర్​వాయు పోస్టులకు ఎంపికైన అభ్యర్థులకు తొలి ఏడాది ప్రతి నెలా రూ.30,000 చొప్పున ఇస్తారు. రెండో సంవత్సరం నెలవారిగా రూ.33,000 వేతనం అందుతుంది. మూడో ఏడాది నెలవారీగా రూ.36,500 అందుతుంది. నాలుగో సంవత్సరం రూ.40,000 చొప్పున ప్రతి నెలా ఇస్తారు.

సెలవులు విషయానికి వస్తే సంవత్సరంలో 30 రోజుల వరకు సెలవులు ఇస్తారు. సిక్​ లీవ్స్​ ఉంటాయి. అలాగే సర్వీస్​లో ఉన్నప్పుడు రిస్క్ అండ్​ హార్డ్​షిప్​, రేషన్​, డ్రెస్​, ట్రావెల్​ అలవెన్స్​లు అందిస్తారు. అలాగే ఈ నాలుగేళ్ల సర్వీస్​ కాలంలో రూ.48 లక్షలకు లైఫ్ ఇన్సూరెన్స్ కవర్​ కూడా అందిస్తారు.

అగ్నివీర్​వాయు స్కిల్​ సర్టిఫికేట్
Agniveer Skill Certificate : నాలుగేళ్ల సర్వీస్​లో చేసిన సేవలకు గాను.. వారు పనిచేసిన విభాగాన్ని అనుసరించి అగ్నివీర్​వాయు స్కిల్​ సర్టిఫికేట్​ అందిస్తారు. అయితే వీరికి పింఛను, గ్రాట్యుటీ, కరవు భత్యం, మిలటరీ సర్వీస్​ పే, ఎక్స్​ సర్వీస్​మెన్​ హోదా మాత్రం వర్తించవు. అలాగే ప్రావిడెంట్​ ఫండ్​ కూడా ఉండదు.

25 శాతం మంది మాత్రమే!
Agniveer 25 percent criteria : అగ్నివీర్​ అభ్యర్థుల నాలుగేళ్ల సర్వీస్​ పూర్తి అయిన తరువాత.. ఒక్కో బ్యాచ్​ నుంచి గరిష్ఠంగా 25 శాతం మందిని మాత్రమే ఎయిర్​ఫోర్స్ శాశ్వత ఉద్యోగంలోకి తీసుకుంటారు. నాలుగేళ్ల సేవల అనంతరం శాశ్వత ఉద్యోగ అవకాశం రానివారికి సెల్ఫ్​ ఎంప్లాయిమెంట్​/ లేదా ఆంత్రపెన్యూర్​షిప్​ నిమిత్తం బ్యాంకుల నుంచి రుణాలు మంజూరు అయ్యేలా ఏర్పాట్లు చేస్తారు. అలాగే వీరికి కార్పొరేట్​ సంస్థల్లోనూ అవకాశాలు కల్పిస్తారు.

ముఖ్యమైన తేదీలు
Agniveer Airforce apply online dates :

• ఆన్​లైన్​ దరఖాస్తుల స్వీకరణ ప్రారంభం : 2023 జులై 27
• ఆన్​లైన్​ దరఖాస్తుకు ఆఖరు తేదీ : 2023 ఆగస్టు 17
• ఆన్​లైన్​ పరీక్షలు : 2023 అక్టోబర్​ 13 నుంచి ప్రారంభమవుతాయి.

నోట్​ : అధికారిక నోటిఫికేషన్​లో అడాప్టబిలిటీ టెస్ట్​ 1లో ఉత్తీర్ణత సాధించాలని పేర్కొన్నారు. కానీ దాన్ని ప్రస్తుతం తొలగించినట్లు ఎయిర్​ఫోర్​ వెబ్​సైట్​లో ప్రత్యేక ప్రకటన వెలువరించారు. కానీ అడాప్టబిలిటీ టెస్ట్​ 2 మాత్రం కచ్చితంగా ఉంటుందని స్పష్టం చేశారు.

• ఇవీ చదవండి :