పొలాల్లో కుప్పకూలిన వాయుసేన డ్రోన్

భారత వైమానిక దళానికి చెందిన ఓ నిఘా​ డ్రోన్​ పంజాబ్ గుర్​దాస్​పుర్​ పొలాల్లో కుప్పకూలింది. దీన్ని ఐఏఎఫ్​ అధికారులకు అందించారు బీఎస్​ఎఫ్​ జవాన్లు.

భారత వైమానిక దళానికి చెందిన ఏఆర్​పీఏ నిఘా డ్రోన్​ పంజాబ్​ పొలాల్లో కుప్పకూలింది. సాంకేతిక లోపాల వల్ల గుర్​దాస్​పుర్ మాలోగిల్​ గ్రామంలో ఈ డ్రోన్​ కూలిపోయినట్లు అధికారులు వెల్లడించారు. ఈ డ్రోన్​ను భారత వైమానిక దళానికి అందించారు బీఎస్​ఎఫ్ జవాన్లు.

"కాంటాక్ట్​ కోల్పోయిన తర్వాత డ్రోన్​ కోసం ఎయిర్​ ఫోర్స్​ బృందం గాలింపు చర్యలు చేపట్టింది. సంబంధాలు తెగిపోయే ముందు డ్రోన్ ఉన్న ప్రాంతాల్లో వెతికింది. గంటన్నర తర్వాత మాలోగిల్ ప్రాంతంలో డ్రోన్​ పడిపోయి కనిపించింది" అని ఓ బీఎస్​ఎఫ్​ అధికారి తెలిపారు.

పొలాల్లో కుప్పకూలిన డ్రోన్

తొలుత తమ ప్రాంతంలో హెలికాప్టర్​తో గాలింపు చర్యలు చేపట్టడం వల్ల భయభ్రాంతులకు గురైనట్లు కొందరు స్థానికులు తెలిపారు. కాసేపటి తర్వాత వైమానిక దళానికి చెందిన అధికారులు ఘటనా స్థలానికి చేరుకుని అసలు విషయం చెప్పారు.

ఇదీ చదవండి:డ్రోన్ దాడులకు చెక్​ పెట్టేలా సైన్యం కీలక నిర్ణయం